من نحن

الأرشيف

مكتبة ينابيع

 منوعات

ملف الأنصار

أدب وفنون

السياسية

الرئيسية

 

 

ج2

 

 

الدارمي

 أو

غزل البنات

 

تأليف
 محمد علي محي الدين

 

 

 

 

 

( 12)

خيه أنتي رجلج زين              جـايبلـج   أبـره

بس أنه رد أويـاي              خـسـرنـي  عبره

خيه:يا أختي/رجلج: زوجك/ جاب: جلب/أوياي: معي/عبره:أجرة العبور.

(13)

الحلك بـالطـلاط             أشعـندك أتـصـيح

أدنـه ليـه ونـام             حـلكه يهـب  ريح

الحلك: الفم/ الطلاط:أي بالضربات المتتابعة/أشعندك: مابك/ريح:الرائحة النتنه

(14)

هـا كثر تـتغاوين              ولـهذا  الـهـدان

كل ظنـي أتظـلين              بـهدوم  الأحـزان

 تتغاوين:تضعين مساحيق التجميل /الهدان: مرشرحة/هدوم:ملابس

-15-

كالولي رجلـج مات              مـوتـت جـلبنه

النخل بيه جـريـد              والصـاري عـدنه

موتت: كموت الكلب/جريد :سعف النخيل/الصاري: حبال،والمقصود أن لوازم عمل التابوت موجودة ومهيئة لدينا.                             

                             -16-

يـاربي الك مشـجاي              مـن الـمـريده

أتـشاوه ملج  الموت              لـو جسة ايـد ه

مشجاي :شكواي/المريده: الذي لا أريد/أتشاوه:أتمنى،أرى الموت أهون من لمساته

-17-

زفونـي نـص الليل              للبــردحيـلـه

حبني وترسنـي سبال             مـن وره الشـيله

زفوني: الزفاف/البرد حيله:دعاء بأن يصاب بالضعف/حبني:قبلني/ترسني: ملئني/سبال:البصاق السائل من فمه/وره: خلف/ الشيلة: الفوطة.                               

-18-

لابسله شطـفه  عود              مــودةالويـلاد

والمـا تريده الـروح             جـالي عـله الأفاد

 شطفه:غطاء لراس الرجل يرتديه الشباب/جالي:الحموضة، او الشعور بالغثيان

-19-

شايل فـرخ لكعيـم               مـالك  يبطنـي

ربطة شـفج بـعذار               حظـي  ربطنـي

 شايل:حامل/ فرخ:جنين،طفل/مالك: مابك/ربطة:الربط القيد/شفج:أبن الجاموس/

العذار:الرباط الشديد/ربطني: قيدنـي.                             

                -20-

يتهدرس عله جلاي             أبـن الحـظينـه

ويـنه اليفك مظلوم             ويـن  الله وينـه

يتهدرس:يمشي بكبرياء وخيلاء/جلاي:كليتي والمقصود انه لايطأ  الأرض بل يسحق

على نفسي/الحضينة: القماش الذي يلف به الطفل،وهي من السب المقذع


 

-21-

يا عشرتي ويه كعيم             صـارت طـويله

لا هو شهر وأكضيه            ولا هـيـه ليلـه

  عشرتي: حياتي/ويه: مع/أكضيه: ينقضي.                              

-22-

وشبلشج يـا  روح              وي  جافي طبعـه

ولوبـيه شطاره تفيد             جـا ساوه ربـعه

شبلشج:ماالذي أوقعك معه/جافي: قاسي/ الطبع: ماجبل عليه الأنسان/شطاره:قدرة

-23-

بالفوح الاهي الفود               عـن  الطبيـخه

جنـه مطي بعاكول              تسمـع جريـخه

الفوح: الماء المتخلف بعد تصفية الرز/الاهي: اعطي/الطبيخه: الرز المطبوخ ،وهي من الفصيح المهمل/جنه:كأنه/عاكول:نبات شوكي تأكله الحيوانات/جريخه:الصوت المرتفع عندتناول الطعام

-24-

لاوي الـوجه يكعيم              شفـج المعـالف

بس طنجر الها  أتجيك              هيـه وتـوالف

 لاوي: ذا وجه عبوس/شفج: فرخ الجاموس/ المعالف:المكان المخصص لوضع علف الحيوانات/طنجر: شبهته بالعبد عندما يغضب،حيث تنتفخ أوداجه ويخرج الزبد من فمه،ويفقد صوابه من جراء الغضب /توالف: تأتلف معك

-25-

متحزمه أنكل شـوج             للـعود  أدفيـه

بخشيش الك يالـموت           من عندي وأخفيه

أنكل: أنقل /شوج:شوك/بخشيش: أعطاء مبلغ من المال هدية/أخفيه:أقبض روحه

-26-

ضيجة خلك بـالبيت            رجلي أنـة أشوفه

صاحت عليـه النـاس          جيـه ردت أعوفه

 ضيجة:الضيق،الكأبة/خلك:الخلق المزاج/أشوفه:أراه/صاحت: كناية عن اللوم

-27-

كالولـي كـل  الناس      هتـلي من  أوانه

     مـرزو  تبـن  الخيل        بعروك أذانــه

 هتلي:لاتتوفر فيه الأخلاق الفاضله/أوانه:بدايته/مرزو:وضعوا/التبن:علف الخيل/عروك:جذور

           -28-

بيـع البشت يـكعيم          وأشـريلي راحه

تعب التعبته ويـاك             للمستــراحه                                  البشت:عباءة الرجل الصيفية/أشريلي:ابتاع لي/المستراحة: التي لم تعاني مثلي

-29-

مـحتاره باسم كعيم           مـدري  شأسميـه

السميته طابك طين              هـم ينخبز بيـه

طابك طين: شكل دائري يصنع من الطين يستعمل  لخبزعجين الدخن أو الرز

    -30-

      ولوكلت تيس أصخول           أشمكبرهـن  عليه

ولو كلت بـوز  أنعال           أتحسـف  علـيه

  التيس :ذكر الماعز وهي من الشتم المقذع/ شمكبرهن: ما أكبرهن على شخصه الحقيقي

بوز أنعال:مقدمة النعال/ أتحسف: مما يؤسف له

-31-

الوذر جـانـي  ينـام          والشمس عدلـه

والله بـجلب مجـلوب          مـتوسفه أبـدله

 جاني:أتى لي/الشمس عدله:في وضح النهار


 

-32-

أتكلي أمـي اخـذيـه          اكـرع  وشايب

أتــلمـس بـعلبـاه          مـامش كصايب

     أخذيه:تزوجيه/شايب: كبير السن/ علباه: رقبته/مامش:لا يوجد

-33-

يـا ربـي ألك مشجاى           مـن  الـمريده

بالفـرك طـش الشيـب          من  جسـة أيده

    مشجاي: شكواي/الفرك:مفرق الشعر/طش:أنتشر/جسة: قبضة.

-34-

بـيها بـرد يـا نـاس              زفـره  المخـده

تـرضه يـداحي الـباب            خـدي اعله خده

   زفرة:ذات رائحة نتنة/داحي الباب:لقب الأمام علي(ع

-35-

كل الشبـاب اتـموت               شيبـه ايـتجدد

رايه وسبـع خرفـان                 يـوم ايـتمـدد

  راية:العلم الذي يرفع عند تحقيق المراد/أيتمدد:يتوفى

-36-

مـا عنـده من الـمال              مـوس  اللـحيته

عـاشك بنـات الـناس             وانـهجم بيـتـه

 ماعنده:لا يملك/اللحية: الذقن/عاشك:عاشق/أنهجم:أنهدم

-37-

يـاروحـي شتكـولـين        نـصبـو الـكله

لـو طـب علـيج هدان        ولفــي شـأكله

  شتكولين:ماذا تقولين/الكله:النامسية،والمراد الزواج/طب:دخل/شأكله:ماذا أقول له

-38-

وتـكلي أخـذي فـلان            أمـي الالـيمـه

ظـلـوعـه أبـر خندوز          حـلكه صريـمه

 أخذي: أختاري/الأليمه:اللئيمة/خندوز:الأبرة الصغيرة/صريمه: نبات شائك يستعمل كحطب للنار لا تأكله الحيوانات

-39-

يـاحـلـك الهـدانـات         ذبـو شبـج بيه

مـيـه وألـف  شبـوط         كـوسج لكو بيه

الهدانات:جمع هدان مر معناها/ذبو:رموافيه/شبج:شبكة الصيد/الشبوط:سمك نهري/الكوسج:من الاسماك البحرية الكبيرة

-40-

يـظـربـنـي الـكواد           ويـكلـي هيدي

والصـوت أكـل  لهواي          مـن  تورم أيدي

هيدي:أهدئي/والصوت:من الأقسام الشعبية المعروفة/تورم: تتورم.     


 

-41-

كش بـرد حيل الفود             جـنه سـدانـه

حطـيله سـم الـفـار           وأخـذي  بمجانه

كش:تقلص /برد:أنهد/الحيل:القوة والعزم/سدانه:حاوية تصنع من السعف والبردي لخزن الحاجيات/حطيله:ضعي له/أخذي: تزوجي /بمجانه:بدلاُمنه.       

-42-

يـايمــه جاني  هـواي         وكظني عله حجلي

سـوده دفـرته حيــل       حسبـالـي رجلي

  جاني:جاء لي/كظني:قبضعليه/ حجلي:حلية ذهبية أو غضيةتلبسه المرأة في قدميها

سوده:ياخيبتي،أسود وجهي/دفرته:ركلته بقدمي/حسبالي: ظننته/رجلي: زوجي.

-43-

أطـحن وأكـظي الليل           عــن الـمريده

وبـراسي بـان الـشيب         مـن  جسة أيـده

اكظي: أقطع/المريده:الذي لاأريده/بان:ظهر/جسة:لمست.

 

 

 

 

 

 

 

 

 

 

24
ديار الأحبة

 

 

وما حب الديار شغفن قلبي      ولكن حب من سكن الديارا

ودار الحبيب لها في القلوب منازل ومنازل ، وقد غنى العشاق ديار الأحبة منذ الأزل ، ولعل أوائل الشعر العربي التي وصلت ألينا ،حافلةٌ بالكثير من الشواهد بمناشدة الديار ، والوقوف على الأطلال ، وبكاء الدمن . وما تناوله الدارمي ليس تقليداً للشعر الجاهلي ، ولا أستعانة بصوره وأخييلته ومعانيه بل هو تعبير واقعي عن حالة ملموسة عاناها أؤلئك العشاق وقد عاشوا حياةً لا تختلف عن الحياة الجاهلية . فعدم الأستقرار في السكن والرحيل من مكان الى أخر و العادات والتقاليد الأجتماعية السائدة في تلك الأزمان كل ذلك جعل من بكاء الديار والوقوف على الأطلال تعبيراً صادقاً عن واقع معاش ، لا محاكاة لماضَ سابق لذا نلاحظ أن الصور التي تواكبت على الذهن الشعبي قد تختلف في أشكالها وألوانها عن الصورة القديمة بما صاحبها من تطور في الحياة والتفكير .

   فالخيام التي سكنها الاعراب في الحاهلية لا تختلف في سهولة نقلها عن البيوت الريفية المصنوعة من القصب أو سعف النخيل ، ووسائل النقل القديمة هي  المستعملة في الريف العراقي وطبيعة الحياة الريفية تتشابه في الكثير من ألاحوال بحياة العرب في بواديهم والاختلاف هوفي طبيعة الحياة الحديثة القائمة على العمل الزراعي وتربية الحيوانات ، عن الحياة الجاهلية القائمة على الغزو وطلب الكلأ والمرعى أنى يكون .

-1-

عمده أرد امر عالدار            وأشـبع مـغمه

وأنـحب نحيب أيتيم            مـن  يذكر أمه

عمده:تعمداً/مغمه:غم وحزن/أنحب:أبكي بحرقةأيتيم:يتيم.

-2-

لازم أمـر عـالدار            والطم عله الراس

وأنحب  وأصيح الغوث          وتـلومني  الناس

-3-

جلجل عليـنه اللـيل            والـحزن خطار

عـني بـعيد الـزين            وحشة أنتي يادار

   جلجل:حل،أقبل/خطار:ضيف وهو من المجاز اللطيف/الزين:صفة الحبيب/وحشة: موحشة.

-4-

كـل مـا أشوف الدار         تـهـمل عيوني

صـدك وحك عينـاك         لـمن  تجونـي

  أشوف:أراى/تهمل: تجري دموعها/وحك:أقسم بعينيك/لمن:عندما/تجوني:تأتون

-5-

عـمده أرد أتيه الروح          وبعاصف الريح

بلجي عله نـزل هواي          من تصفن أطيح

  عمده:عمداًوقصداً/أتيه:أجعلهاهائمة/عاصف:العاصفة الهوجاء/بلجي:لعل/نزل:منزل

  تصفن:تهدء/أطيح: تسقط

-6-

يسـألني عـن الـدار          وشـلون  أهلها

وأتـلايـمت بـالحين          شـامت نـزلها

      أتلايمت:تعاورتها المشاكل والويلات/بالحين:فوراً/نزلها: حل بها.          


 

-7-

صـد أبـد ماتـسوين          غبره أنتي يادار

فـوك الـعويل البـيج          غـاطيج الغبار

صد:جفاء/تسوين:تساوين/غبرة:كئيبة كالحة/فوك:فوق/البيج:ألذي بك/

غاطيج:صار غطاءًلك.      

-8-

وبيت أهـل شوكـاي         كاموا  يفلشون

كل ما يطيح هـطـار          يهل دمع العيون

شوكاي:حبيبي/يفلشون:يهدون البناء/يطيح:يسقط/هطار:قطعة.     

-9-

ويـن أهلج الطـيبين            جيت أنشد الدار

كالتلي زيـد أبـجاك           غـاطيهـا الغبار

وين:أين/أهلج:أهلك،أصحابك/جيت:أتيت/أنشد:أسأل/كالتلي:قالت لي/

ابجاك:بكائك/غاطيها:صار غطاء لها.       

 

-10-

أشـبعـد وشخـليت             تـنعب يـخايب

يـادار الـمحبـيـن              صـارت خرايب

أشبعد:ماذا بعد/شخليت:تركت/تنعب:نعيب الغراب/الخائب:الفاشل/صارت:

أصبحت/خرايب:خرائب.         

-11-

لازم تـمر عـالـدار              وأدك عله جلاك

وتبـجي بكـثر ما جان            يظحك لك اهواك

لازم:لابد/أدك:تدق،تضرب/جلاك:كليتيك/جان:كان/     

-12-

مـا طوله شال الـزين              شـيلو يـهـلنه

أمــكـابـلين  الدار              شنـهو  شغلنـه

مطول:مازال/شال:أرتحل/أمكابلين:مقابلين/شغلنه:عملنا.      

-13-

يـالفلـشيت الـدار                خل شبـه  تومي

كـل مـا يطيح هطار                 زادت همـومي

فلشيت:هدمت/خل:دع/شبه:عمود/تومي:تدل عليه

 

 

 

 

 

25
 البت

 

 

البت (( الطاقة والخصلة فالحبل مثلاً يفتل بت او بتين أو ثلاث بتوت أي طاقات ))  (1) وبت القلب نياطه يقال الحزن يقطع نياط القلب وتجمع على بتوت وتثنى بتين والأشارة أليها تعبير عما يصيب القلب من أنفعالات نفسية ناتجة عن المصاعب والعقبات التي يلاقيها الأنسان في حياته ، ولعل القلب أكثر تأثراً من غيره بأنفعالات الحب وأكثر أحساساً ، لذلك تحمل القسط الوافر من آلام المحبين ، فأشاروا أليه في أشعارهم المعبرة عن أحاسيسهم الحقيقية . ولعل تصورهم أن ظخ الدم من قبل القلب وتوزيعه بواسطة الشرايين على أنحاء الجسم ، جعلهم يعتقدون أن تلك الشرايين تنقطع أو تلتوي بفعل الأحساس بما يلاقيه الفرد من المصاعب . وأمراض القلب التي توصل أليها العلم الحديث وسميت (بالجلطة) و(الذبحة القلبية)و (السكتة القلبية) والتي تنتج بسبب الأنفعالات العصبية والحالات المختلفة دليل على صحة المعتقد الشعبي وصدق تصوره .

   ولكون الحبيب هو المسيطر والكائن في سويداء القلب فأنه المحرك العامل والموجه له ، وقد ورد في الدارمي بأوصافٍ مختلفة تنبيْ عن سعة الفكر الشعبي في أستلهام المعاني للتعبير عن مختلف المشاعر .

    ويسمى القلب في اللغة العامية (الدلال) كناية عن الدليل والموجه و(الأفاد) وهو قلب لكلمة الفؤاد أشرت أليها في دراستي للغة العامية و(الكلب) وهو القلب .

-1-

نـعله أعـله أبيه النام             وعـيونه  غمـظت

مجالش ويـه الـروح              بـت  اكوه من بت

  نعله:لعنة/أبيه:والده/مجالش:المدافعة الشديدة/أكوه:أقوى.        

-2-

بـت بعـد بالـدلال              وأتـعكز أعـلـيه

لايـنكطـع وأبـلاك              يـا لحـادي  ردبيه

   بعد:ظل/الدلال:القلب/أتعكز:اتكيءعلية/ينكطع:ينقطع/أبلاك:أقاضيك.        

-3-

بـت بعد  بالـدلال                 يكـطع وأشـده

لا ينكطع  فـد نوب                 يـا لحـادي رده

   أشده:أصلحه/فدنوب:نهائياً/رده:أعده،أرجعه.                            

-4-

لاتـنطـي الـدلال                 وبتـوته لـهواك

مـا ظل وفه بهاليوم                  عـن هـذا أنهاك

   تنطي:تعطي/وفه:وفاء/بهاليوم:في هذا اليوم/أنهاك:أمنعك.       

-5-

بفادي حبـك صـار               بت مـن  البتوت

وعـين التصـد للغير                من عكبك أتموت

 

 أفادي:فوأدي/ تصد:تنظر/عكبك:بعدك

-6-

بـت بعـد بالدلال                ظل أتله البتوت

لو روحي تحظه بيك                 لو  بعدك أتموت

   أتله:أخر/تحظه:تنالك

-7-

كـلبي خلص تكطيع                 بت بعد من بت

واليـاكل شـمدريه                 الـيثرد أثـبت

  خلص:أنتهى/تكطيع:قطع أرباً أربا/شمدريه:ماأدراه/اليثرد:ألذي يعد الطعام/أثبت

أعرف منغيره

-8-

سـلمتك  الـدلال                 وبـتوته كـلهن

ظـلت  بكـيفـك                عاد تكطع تشدهن

سلمتك:أعطيتك/كلهن:جميعاً/بكيفك:بمزاجك/تشدهن:تصلحهن.

 

 

 

26

الأعداء التقليديين للعشاق

للعشاق أعداء صبوا عليهم جام غضبهم، وعبروا عنهم بنعوت وصفات مختلفه ، وحملوهم الكثير مما يصيبهم من المصائب والويلات والمحن ،وما يعنينا هنا هو الاشارة الى ما ورد ذكره في الدارمي فقط محيلين القاريء الى دراسات لاحقه لفنون الادب الشعبي الاخرى .

والأعداء التقليديين للعشاق في مختلف العصور والأزمان والشعوب والبلدان، هـم الـوشاة والنمامون والشامتين بما يحيق بالعشاق من ويلات ، واللائمين الذين يوبخونهم على ما يقدمون عليه من أعمال ، وما يفعلونه من تصرفات.

فالواشي: هو من يشي بهم ويفشي اسرارهم ويذيع اخبارهم، ويفضح لقآتهم، ويخبر اهليهم بما يرى او يسمع.

والنمام: من ينم بما يرى ويضيف اليه ما يسيء اليهم ، وينشر الأخبار بما يؤدي الى الفضيحة وما يترتب عليهامن مضاعفات.

واللائم :هو من يلحي عليهم باللائمة وينهاهم عن التمادي في علاقاتهم، ويصور لهم ألأمور بصورة قاتمة سوداء.

والعاذل:الذي يعذلهم  لردعهم عن السير في هـذا الـدرب الشائك ويحاول أرشادهم الى طريق أخر غير هذا الطريق ولكن أين العقل من العاطفة ،  واين التعقل من الطيش، فللشباب نزواتهم التي تدفعهم الى السير في المسالك الوعرة دون التحسب للعواقب .

والشامت:هو العدو اللدود الذي يشمت بهم ، ويفرح لما يصيبهم وما يحيق بهم من ويلات ومصائب .

 


 

 1-الواشي:

-1-

يـاواشي ويـن تـريد            والـدنيه الغـروب

تـاخذ حـجي و تجيب            وتـخشن  الكلوب

وين:أين/حجي:كلام/تجيب:تجلب/تخشن:تزرع العداوة والبغضاء/كلوب:قلوب

-2-

الواشي عنـده  عـيد         حـسبـاله عفتـه

مـا أنـسه بوم اهواي         لـمـن عرفـتـه

حسباله:في ظنه،في مخيلته/عفته:تركته/لمن:عندما.               

-3-

أصبـحت روحـي اليوم            ذابــل وردهـا

فـكولـي عبـرة  مـاي         والـواشي سـدهـا

أصبحت:صارت/فكولي:فتحوا لي/عبرة:ممر صغير/سدها:أغلقها.        

-4-

الـواشي أجه بـها الليل           يـسمعله جـلمه

خـله يـطك و يـموت          لحــد يـعلمـه

أجه:جاء/جلمه:كلمة/خله:دعه/يطك:ينفجر/لحد:لاأحد.          

-5-

هـأي ألك ست عانات          يا لواشي بس كوم

ماريـد أنـه العـانات          بـس ألكط  علوم

هاي:هذه/الك:لك/ست:ستة/عانات:عملة معدنية تساوي أربعة فلوس كانت

متداولة في العهد الملكي وأستبدلت بعد ثورة الرابع عشر من تموز/ألكط:أجمع.

-6-

يـا لواشي موش أنصاف         حـطلـك مـروه

ولـفي وأخـاف عـليه         لـوهـيـه كـوه

موش:ليس/أنصاف:عدل/حطلك:ضع/مروه:مروءة/كوه:غصبا،بالقوة.

2-النمام:

-1-

لو مـا حـجي النمام        حجـي اليكرهون

جاكلت هـذا هـواي      ليله أعـله  مجـنون

لوما:لولا/ليله:ليلى العامرية/مجنون:قيس مجنون ليلى.               

-2-

ريـت أيعمه  الـنمام      وبـدربـه نـكره

ويـوكع وأدوس عليه         وأبـنـيله كبره

  ريت:ليت/أيعمه:يصاب بالعمى/نكره:حفرة/يوكع:يسقط/أدوس:أسحق/كبره:قبرة

-3-

بـين السما والغيـم        عـونه الغفه ونام

لا واشي يوصل ليـه         لا يـمه نـمـام

عونه:هنيئاًله/يمه:بجانبة.

-4-

يـاتـرف حبيـناك         جيـه مـنه بيـنه

تاخذ حـجي النمـام        وتتـرك حجيـنه

ترف:النظيف،كناية عن الحبيب/جيه:لأنه/حجي:كلام/منه بينه:منا والينا

3- الشمات

-1-

تـجولي يمـحبـين          لـوشفتو شمـات

غايتهـم ينشـدون          حي بعده لومـات

  تجولي:أسندوني/شفتو:رأيتم/ينشدون:يسألون.                               

-2-

هلهل يشامت حـيل          خـل يسمعونـك

عكلـي اولـفي راح         كـرت عـيونـك

حيل:بقوة/خل:دعهم/عكلي:عقلي/ولفي:حبيبي/راح:ذهب/كرت:قرت.

-3-

أصفج الراح بـراح          وأتغـنه  بالـراح

خاف من أكولن أخ           شـماتـي ترتـاح

أصفج:أصفق،أضرب/الراح:راحة اليد/الراح:ألذي ذهب/أخ:أه

-4-

بطلت مـا كوليش            من جرحي أحاه

جي دورت وألكيت            عد شامت دواه

بطلت:أمتنعت/كوليش:أقول/أحاه:أتألم/جي:لأنني/دورت:فتشت/ألكيت:وجدت

عد:لدى/دواه:دوائه

-5-

والشامت من بعيـد             بذنـي سمعـته

دمعي عله الوجنات              سال ومسحـته

عله:على/الوجنات:الخدود/سال:جرى/مسحته:كفكفته

-6-

يمـه طردني هواي              مشكوله ذمتـج

خايف حجي الشمات           وجمالـه حجيج

مشكوله:ذنبي عليك/ الذمة:الضمير/جماله:أضافة،زيادة/حجيج:كلامك.

4 - اللايم :

كلـبي ثنعش طـربيه            واللايـم أيلوم

ومكالب ويـه اللـيل           من كثر الهموم

  ثنعش:أثنا عشر/طر:فتحة/مكالب:صراع/ويه:مع.       


 

الضعن والحادي

   الضعن : هو القافلة التي تتكون  من عددمن الحيوانات  كالحمير والخيل والأبل بأعداد مختلفه، يستعملها البدو الرحل والريفيون في النقل من مكان الى أخر ، ووردذكره في الدارمي للأشارة الى أنتقال عائلة الحبيب الى مكان أخر .

   والحادي: هو دليل القافلة يحدو بالشعر عند المسير وشعر الحداء مشهور عند العرب عرفوا به وعرف بهم وهو غني عن الشرح والتعريف .

   وقد ورد الضعن والحادي في نصوص كثيرة من الدرامي تعد  بالمئات ، وتحمل الحادي المسكين الكثير  من غضب العشاق ومقتهم وأصبح في نظرهم نذير شؤم ، يتطيرون منه ويتشاءمون من ذكره ،وأطلقوا عليه أوصافاً مختلفة ، ونعوتاً كثيرة وتوسلوا الى الله والأولياء للتخلص منه والقضاء عليه .

   وبعد التقدم العلمي ، وظهور المخترعات الحديثة ، وسير القطارات والسيارات ، تحولت الشكوى من الحادي والضعن الى القطار والسيارة ووسائط النقل المائي ، التي لا تختلف عن القوافل في تأدية الأغراض ذاتها . فأصبح القطار الذي يدعى بـ(الربل)و(السريع)،و(المشحوف)وهو القارب الصغير علامات بارزةفي فراق ألأحبـة

 ومصدر الشؤم للعشاق .

-1-

الـحادي ويـن يريد         بالضعـن مهتم

وأنه ارد احاجي هواي         كلبي أنترس دم

  وين:أين/مهتم:أولاه الأهمية/أرد:أريد/أحاجي:أكلم/أنترس:أمتلأ.


 

-2-

كلـبي بـفرد بتـين         انكطعن وضاع

واحـد بحادي العيس         وواحد بالوداع

فرد:واحد/أنكطعن:تقطعن/العيس:الأبل.               

-3-

بـت بعـد بالدلال          وأتعـكزعلـيه

لاينكـطع وأبـلاك           يالـحادي ردبيه

أتعكز:أتكيء عليه/ينكطع:ينقطع/أبلاك:أوجه اليك التهمة/رد:عد.          

-4-

الحادي هـذا منـين           هالساك الضعون

لويفتهم مـا نـاخ            يم اليكرهــون

منين:من أين/ساك:ساق،قاد/الظعون:جمع ظعن وهو القافلة/ناخ:وقف/يم:بجانب

-5 -

بالضعن ويـن تريد              مسرع يحـادي

هلبت تكول أحباب            ظـلت تنـادي

وين:أين/هلبت:هلا قلت/تكول:تقول

-6-

الضعن طـاح بـغار           دوب أسمع الويد

خلصت باجي الحيل            يالشايـل بعيـد

  طاح:سقط/غار:مكان منخفض/دوب:قليلاً/الويد:الصوت/باجي:باقي

-7-

هم ضعن مر عليك             لو أهلـه معدان

مر وتعده وفـات             هدوه من الأوذان

  هم:هل/المعدان:سكان الأهوار ومربي الجاموس/فات:مضى/هدوه:قبل الأذان بقليل

-8-

أنطر دلـيلي عليك            يوم الضعن سار

نص ظل يباري العيس          والثـاني بالدار

 أنطر:أنشق/الدليل:القلب/نص:نصف/يباري:يراقب/العيس:الأبل

-9-

ريتك هجر يالريل              يالمسـرع بليل

ماخذ شريج الروح            ومهدهد الحيل

ريتك:ليتك/الريل:القطار/شريج:شريك/مهدهد:أتعبت/الحيل:البدن

-10-

حـمل الـريــل           وشال للناصريـه

وظليت أهم  بالراح            والـبيـه بـيـه

 شال:رحل،أنتقل/أهم:أعاني/البيه بيه:الذي عندي يكفيني

-11-

راح السريع و شال            ويـاه الأحـباب

وخله الكلب ملهود            مـن سدة  الباب

 راح:ذهب/السريع:القطار/وياه:معه/خله: ترك/ملهود:عليل/سدة:غلق


 

-12-

ريـت السريع اليوم           يا يـمه خـربان

وحضه بحبيب الروح           هدوه من الأوذان

 خربان:عاطل،لايعمل/أحضه:أنال

-13-

ياريته باص الشـال            أحـبابـي بنجر

وبدربه طين  يصـير           حتـه  يـتعـثر

 ريته:ليته/الباص:السيارة/بنجر:ثقب أطاره/دربه:طريقه/يتعثر:يتعطل

-14-

وشبعد و شـخليت           تنـغط يـالغراب

هـالحدر  المشحوف           غرب بـالأحباب

  شبعد:ماذا بعد/شخليت:ماذا تركت/حدر:سار/المشحوف:القارب الصغير.       

 

 

 

 

 

 

 

27
الحرب والثورة

 

 

   


 

   حفلت فنون الأدب الشعبي بالنصوص الكثيرة المعبرة عن الأتجاهات الوطنية المختلفة ، وشارك الشعراء مشاركة فعالة في الثورات والمظاهرات والانتفاضات الشعبية، ووصف المعارك،وأثارة الهمم عند خوض المعامع والحروب،فجل الأهازيج تعبير صارخ عن الثورة، ومحفز فعال في شحذ العزائم وأذكاء نار المعارك الوطنية،أو النزاعات القبلية، وعبرت فنون الأدب الشعبي الأخرى بشكل أو بأخر عن هذه الجوانب وعدت من أغراضها.

   ولعل ا لدارمي من أقل ألأداب الشعبية أحتفالاً بهذين الغرضين،وأن كنا لا نعدم أن نجدنزراً قليلاً شارك بشكل أو بأخر في الثورة ووصف الحرب .وسبب ذلك في رأيي أن الدارمي وجد للتعبير عن ألأنفعالات النفسية وألاختلاجات الوجدانية،وهو وسيلة تعبيرية عن عواطف الأنسان ومشاعره.

   ولدى دراستي لنصوص كثيرة منه لم أعثر ألا على القليل ألذي يمكن وضعه في مجال الحرب والثورة، وفي بعضها لم يتورع شاعر الدارمي عن وصف الأحبة بأوصاف عسكرية  قد تعيد الى الأذهان رائعة الشريف الرضي التي يصف فيها أحد الشباب القادة:

ضبي يرق الماء في وجنـــــــاتـه ويـرق عـوده

ويكاد من شبه العذارى              فيـه أن تـبـدو نهوده

ناطوا بمعقد خـصـره              سـيفاً و مـنطقة توؤده

جعلوه قائد عسـكـر             ضاع  الرعيل ومن يقوده

وهناك الكثير من النصوص التي يمكن الأشارة اليها ،ولكني أجتزء البعض منها خشية الأطالة .والنص التالي نظم على الأرجح أبان الأحتلال البريطاني للعراق بدليل ذكره لجنود الأحتلال الذين كانوا خليطاً من الأنكليز والهنود والسيك والكرك والنص يصف سرباً من الغيد الحسان ، اللاتي اقبلن ليردن الماء ويملأن جرارهن منه وكانت من بينهن حبيبة الشاعر ( زكية) فشبههن بالجيوش المقاتلة لرتابة مسيرهن :

خيـم عـله الجيجان       عسـكر زكـيه

بيه كركه وبيه سيـك      وبـيه سـوجريه

 خيم:حل،سكن/الجيجان:جرف النهر/الكركه:جنود الأحتلال اللأنكليزي /السيك:السيخ،من جنودألأحتلال/السوجريه:السوجر كذلك

عسكرهـه جندرمات         وعصـن علـيه

غـير المشـه ولا جاش       بيـه ثلث ميـه

جندرمات: جمع جندرمه،وهم الشرطة أبان الأحتلال العثماني/جاش:عاد ،رجع.

 وهذا النص قيل بعد الأحتلال ايضاً وقائلته تهدد جنود الأحتلال بأن جرها من شعرها سوف لا يمر بدون عقاب فعندما يعود الأتراك للحكم ويطرد الانكليز سأنتقم منكم وأثأر لما فعلتم بي:

مضمومه للهندوس          لزمـة كذلتي

يمـته الترك يلفون          واخـذ عتبتي

مضمومه:مدخرة/الهندوس:الجنود الهنود القادمين مع القوات الأنكليزية/لزمة:مسكة

يمته:متى/الترك:الأتراك/يلفون:يأتون،يرجعون/عتبتي:ثأري.

 وفي ثورة العشرين الخالدة شارك الدارمي أيضاً بوصف الهزيمة المنكرة للقائد البريطاني (ديلي) :-

شارد من أهل الفوس       مـالك يديلي

جربت  يوم الكـون       حيلك  وحيلي

شارد:هارب/أهل الفوس:أصحاب الفوؤس أرادت الثوار /مالك:مابك /ديلي:الكابتن ديلي الحاكم العسكري البريطاني/الكون:الحرب، المعركة/حيلك:قوتك.  

   وأخرى تخاطب من تحب وتثير حميته ، وتوجج نار العزم على الصمود ، وتطلب منه أن يكون راية للحرب ، خفاقة على حدود الوطن :

شـد حيلك أنـه أنخاك        زم روحك بزود

بيرغ حرب  يـهـواي         توكف عالحدود

حيلك: قوتك،عزيمتك/زم:لأنتفض/زود:قوة/توكف:تقف.

   والحرب بما تحمله من ويلات ومأسي ، وما تخلفه من آثار، تنظر لها المرأة نظرة خاصة ، فأذا أضطرمت نارها وأشتد أوارها ، والتحمت القوات في معارك طاحنة وانظلقت المدافع تصب حممها على الروؤس ، فتتناثر الأشلاء وتتطاير الأيدي ، وتهرس الأجساد ، فلله ما يحل  بالنساء من الثكل ،والأطفال من اليتم ، والأمهات من الفجيعة ، فالأم تأسى لوحيدها وتحزن عليه ، وتطير نفسها شعاعاً خوفاً من ويلات الحرب ، على عكس الأم التي لها ثلاث أولاد فأنها تبتسم لتلك الحرب الضروس وتفرح لها ، ويكون يوم الحرب كيوم العيد في نظرها فأذا فقدت أحدهم ظل لها الأخران بعكس ذات الولد الواحد فانها ستخسر كل شيء أذا ماأستشهد ولدها :

باجر يثور  الطوب          فـكر ام الوحيد

وام الثلاثة تكـول         عدنه الحرب عيد

باجر:غداً/يثور:ينفجر/الطوب: المدفع/فكر:الفقر يراد به حظ الفقير/الوحيد:الواحد

أم الثلاث’:التي لديها ثلاثة أولاد/تكول :تقول/عدنه:لدينا.

         وأخرى تبث روح العزيمة وتشجع على خوض المعامع وأقتحام نيران الحروب ، فالموت لايخيف ألا الجبناء ، وضعاف القلوب والأحجام عنها من شيم النفوس الخانعة الذليلة فأذا أشتعل أوارها، وأضطرمت نارها فتقحمها غير هياب ولا وجل ،ولا يهولنك أخطارها  أو تخيفك نارها ، واعتيرها اعانة للأخرين كما كنت تفعل في ايام الحصاد(العونه) .

بـالك تهاب الموت           لـو تـكف دونه

و للحرب شد الحيل          وأحـسبـه  عونه

بالك:لا يخطر في بالك/تكف:تقف/دونه:خائفاًمنه/أحسبه:أعتبرها/عونه:مساعدة.

   وهذا البيت قالته أحدى المشاركات في الثورة التحررية الكبرى ثورة العشرين المجيدة وفيه أشارة لروح الأستبسال التي تحلى بها المقاتل العراقي في مواجهة أسلحة الأنكليز الفتاكة التي لا تجاريها أسلحة الثوار البدائية .

واحدكم أعله الموت       يهـجم و لا يهاب

الفاله والـمكـوار       هجمت عله أطواب

   الفالة : آلة حادة ذات رأس مدبب تستعمل لصيد السمك / المكوار : عصا لها رأس كروي من القير / أطواب : مفردها طوب وهو المدفع

 


 

28

كنايات الحبيب

للاحبة في الأداب الشعبية كنايات كثيرة تعبر عن صور مختلفة لمشاعر المحبين ، وأكثرها مشتق من الافعال المعبرة عن الحب أو الخاصة بصفات الحبيب ومنها

1-هواي:والحب في المنظور الإنساني مهم كالهواء الذي هو عماد الحياة ولسموالحبيب في النفوس وأهميته أشتقوا من الهواء أسماً للحبيب هو (هواي) والهوى في العربية هو الحب ويقال للمصاب بمس من الجنون  أو لوثة في عقله به(هوه) أي جنون ، ولعل ذلك أشارة الى الأندفاع والتهور من قبل المحبين وعدم تورعهم عن سلوك كل الطرق المخالفة للأعراف الأجتماعية في سبيل تحقيق أهوائهم

-1-

كلب أمي عله أهواي       جن بيه نحاسه
من يطب تتـلـكاه          موش بحماسه
  نحاسه :كره / يطب :يدخل / تتلكاه : تلقاه / موش / بدون .
-2-
يمه أستكان  الجـاي         طاح من أديه
خاف من أكول هواي         ينشك عليه
 طاح : وقع أو سقط / أديه : يدي / خاف : أخشى / ينشك : يظنون بي الظنون .
-3-
أتحشم الـنسـوان        كوه أبجن أبجن
لو تبجن أعله هواي        لودن  تخسرن
 2-الولف :من الألفة والتألف وهو تعبير عن عظم الوداد وشدة الحب ومتانةالأصرة فهو من الفته النفس وأعتادت عليه .
النار أصـيح النار            من ولفـي أحاه
ما بـيه أعيفه بجور           لا  بـيه أدنـاه    
أحاه:آه من الألم/أعيفه: أتركة/أدناه:أقترب منه.
لطم العزيزأ شواط           هـاهـا خواتي
      عالولف ما جنـيش          ذنــي  أمهاتي
  أشواط:بالتناوب،لكل واحدة فترة محددة/هاها:لأثارة الحمية/جنيش:لم يأتين.
يـاولفي اسمك  نار          بـأفادي شبـت
وانفضح سري وبان         وكل اهلي عرفت
 شبت:تصاعد لهيبها/بان:ظهر
واصـد لبو  نجلات         عيـني  أتـغلبني
ولـف الحهل منساه         لـو شيب ابنـي

أصد:أنظر/نجلات:خيانات/

 3- الترف : من النظافة والأناقة ومن معانيها النعومة واللين والرقة ، وهي من الصفات المحببة التي تطلق على الحبيب :
-1-

حـطتلي نوبه أعليـه       امي  بشهر سات

عفت الثدي  وصديت       شفت الترف فات

    حطتلي: وظعت لي/نوبه:حراسة/سات:السادس/عفت:تركت/صديت:نظرت،ألتفت

الترف:الحبيب/فات:مر.


 

-2-

حـاجه وغرض مكضيش        ميتات  أديه

خاف الترف  اطـريـه        وينشك عليه

مكضيش:لاأعمل/أطريه:أذكره/ينشك:يشكون في أمري.

   4- العزيز:من ألأعتزاز والمحبة، والعزيز الحبيب، وعز الشيء أذا قل وندر، وهو النادر المثال في عين من يحب:

كـون العـزيز يـصير        بظلوعي شامه

وأشـابـك أنه ويـاه         مـامش ملامه

  كون:ليت،أتمنى/شامه:خال وهو نقطة سوداء ظاهرة على الجلد/أشابك:أعانق

كـون العزيـز أيـصير       تـرجيه بذنـي

ولـو كمت لو كعديت       بالخـد  يحبنـي

  ترجية:القرط وهو من الحلي الذهبية التي توضع في الأذن/كمت: قمت/كعديت:جلست/يحبني: يقبلني.                
كـون العـزيز  يصير          مكلد وألبسه
وبـين الـنهد والثوب          سنتين أحبسه
مكلد:قلادة من الذهب تعلق على الصدر.
5-الغالي : عكس الرخيص يقال للشيء أذا ارتفع وزاد ثمنه
شفـت الكمر بالحوش          حسبالـي انته
والجـابته أمي رخـيص          و الغالـي انته
   شفت:رأيت/الكمر: القمر/الحوش:الدار/حسبالي:في ظني/الجابته:الذي ولدته.                                       
مـدري أشـعليه الناس          غالـي وأحبه
مسـلمتـه للـعبـاس          كلـمن يسبه
 6-بعد الروح : من تتمنى أن تموت قبله أو فداءاً له .
باجر يـبعـد الـروح          عـالبدعه اتناك
وبـكلبي نار تـهيـج          أرد أحجي وياك
   باجر:غداً/البدعة: النهر الصغير/أتناك:أنتظرك
ريـت الكلب بـي باب       جا كلتلك اهناه
أكـعـد يبعـد الـروح      وأتـهنه  ويـاه
    ريت:ليت/الكلب:القلب/أهناه:هنا/أكعد:أجلس/وياه:معه.
جا شلي بيه الروح    بعدك يروحي
مولح صبي العين       من كثر نوحي
     جا شلي:ما حاجتي لها/مولح:تغير لونه لشدة البكاء/أصبي:كرة العين
        7- شوكاي : الشوق هو شدة الحنين وأشتاق فلان لفلان حن لمشاهدته .
وبـيت اهـل شوكاي        كـامو يفـلشون
كل ما يطيـح أهـطار         يـهل دمع العيون
  8-المحبوب : الذي يعشقه الأنسان يسمى محبوباً .
مـالج فـخر يـاعـين        لـودم تـهلـين
مـن فـركت  المحبوب        حسبالـي  تعمين
9-الزين : هو الأحسن والأجود والأكمل ومن الصفات المستملحة في الشباب فيقال فلان زين الشباب اي أحسنهم:
                                        
لـحد يـلوم الـروح          أنـه أدره بـيها
تـتلهـف اعـله الزين         غـصبن عليـها
     لحدلاأحد/أدره:أعلم/تتلهف: تشتاق
جلجـل علينه اللـيل          والـحزن خطـار
من بعـد عـنه الزين           وحشه انـتي يادار
     جلجل:جاء/خطار:ضيف/بعد:أرتحل/وحشه:موحشة
 
  
 
 
 
 
 
 
 
 
 
 
 
 
 
 
29
الرحى

 
      الشعر كما يقال تعبيرعن المشاعر الأنسانية المختلفة ولعل الحزن والألم من أكثر المشاعر التي عبر عنها الشعر العربي قديمه وحديثه ، وهذه المعاناة الإنسانية يعبر عنها الأنسان بأسلوبه الخاص وما توحيه معارفه وتصوراته ، لذا نجد الأداب الشعبية حافلة بالكثير من الصور المعبرة عن هذا الجانب ولعل التصوير الشعبي أبدع ايما ابداع في هذا الأمر وسجل الكثير من الروائع التي عز مثيلها في الشعر الفصيح .
   والدرامي من أكثر الأداب الشعبية في تناوله للجانب الحزين المؤلم وعبر عنه تعبيراً صائباً بتعدد الصور والأشكال التي أفرزها ، ولكونه من الفنون النسائية البحت وأغلب النماذج الموجودة لدينا يظهر فيها الطابع النسوي جلياً واضحاً ، فقد عيرت من خلاله عن مشاعرها وأحاسيسها حيال المواقف التي جابهتها في حياتها الخاصة .
    والرحى تلك الألة التي تستعملها المرأة في حياتها اليومية يوم لم يكن هناك وسيلة لطحن الحبوب غيرها ، وقبل ان تظهر المخترعات الحديثة وأنشاء هذا الكم الهائل من المطاحن ، أقول أن الرحى كانت الوسيلة الوحيدة لطحن الحبوب ، ومن خلال عملية الطحن وأدارة الرحى ، كانت المرأة تعبر عن مكنون فؤادها وما تعانيه من حرمان وحزن في حياتها ، ومع دورانها تدور في رأسها الاف المشاعر والأحاسيس فتنساب من فمها أنسياب المياه لتجري في مجاري الأدب في صور والوان جميلة يلتذ بها السامع .
    وطريقة تأدية هذا اللون من الأدب تجري بموجب لحن ثابت يدور على اللسان مع دوران الرحى وعلى دورانها تدور الكلمات منسابة بأرتفاع وأنخفاض يتلائم والبعد الدائر  فتكون كالألة الموسيقية التي تتحدد أنغامها بمهارة الأصابع التي تداعب أوتارها ويكون ذلك اللحن المعبر خير دواء لتلك النفس التي ذاقت ماذاقت من البؤس والحرمان .

    حدثتني المرحومة جدتي عن جدي المرحوم الشيخ عبد الباقي محيي الدين أنه كان يكلف بعض النساء بطحن الحبوب مقابل اجور عينية بحجج مختلفة كأدعاء مرض زوجته أو ورود ضيوف اليه ويجلس في مكان قريب ليستمع الى ما تردده تلك النسوة من الأغاني الشجية وما يولدنه من معان جميلة ورائعة يعجز عن الأتيان بها فطاحل الشعراء وجهابذة الأدب .

   ولعل أختيار الوقت المناسب للطحن بحد ذاته ، قد درس بعناية من قبل النساء بأختيارهن الفترة التي ينام فيها الناس وتغمض العيون ، وتستسلم لسلطان الكرى ، أو يكون عند خروج الأهل لأعمالهم في الحقل ورعي الماشية وخلو المكان من الرقيب الذي يعبر عنه بأسم الواشي أو العريضي او العاذل وغيرها من النعوت .

    ولعل قصيدة المجرشة المشهورة المتنازع بنسبتها والتي أدعاها الكثيرون تجري نفس المجرى وتنطلق من ذات المنطلق ، وأن أبياتها الاولى لشاعرة فراتيه صاغتها مع دوران مجرشتها ، فتناقل الناس ذلك المعنى الجميل وتداولته الألسن ، فذاع وشاع ، ونظم على غراره شعراء تلك الفترة وأضافوا الى لمعنى صور أخرى عبرت عن المعاناة الحقيقية للجماهيرالشعبية ، فتلقاها الناس بالأعجاب والقبول وتداولوها كصورة معبرة عن الامهم ومعاناتهم .

    وقد وردت الرحى في الدارمي بكثرة ، مما يوحي بأنها أصبحت الملاذ والملجأ للعشاق ليبثوا من خلالها أشواقهم وما يعتلج في نفوسهم من لواعج الحب وتباريح الهوى وشدة الجوى وما يعتمل في داخلهم من أشواق مكبوته ناء بها القلب ، وشقيت منها النفس ، فأنداحت أنغام هادئة تطرز الاجواء بغناء جميل .

   فواحدة لا تطحن الدقيق بل تطحن هموم من تحب ، وتهيم روحها في سماء العشق لتنطرح أمنة بجانب من تحب :-

ما اطحن بحنطات         أطحن بهمك

دور وتلك الروح        مطروحه يمك

   وثانية لا صوت لرحاها وهي دائبة على طحن الحبوب فيدها وحدها دائرة في اللا شيء تطحن ما تبقى من نفسها التي ذهب رواؤها وجف ماؤها فظلت جسداً خاليا من الروح :

ماتنسمع رحـاي        بس أيـدي أديـر

أطحن بكايا الروح        موش أطحن أشعير

   وأخرى أصبح لها الطحن ديدناً أعتادت عليه النفس كلما جن الظلام ونشر ظلاله على الكون ، وأنداحت الذكريات تداعب خيالها .

بس الطحن بالليل         صايـرلي  سولـه

من أطحن شعيرات        أخـذلـي جولـه

   وهذه تمسك بمقبض الرحى الخشبي لتديرها بيمينها بينما تقوم بأخذ الشعير بيدها اليسرى لتظعه في فتحة الرحى أملة أن يسقيها حبيبها عندما تطلب الماء :

أيدي تديـر شعير          ملتهـيه يهـواي

بلجن تمـر بالليل           تسكـيني الـماي

وتشكوا الرحىمما تعانيه من الحزن والأسى لكثرة بكائها وتطلب منها الكف عن البكاء،فقد تورمت الجروح لكثرة الطحن:

والرحه شبعت ضيم       من كثر نوحي

مو كافي بسج عاد        ورمت اجروحي

وحتى صوت الرحى أصابه العياء وأضمحل لطغيان صوت بكاءها عليه وذلك بسبب الشعور بالام الفراق المحرقة :

ماتنسمع رحاي بس       صوتي مسموع

جاتلني هم هواي            ما منه مرجوع

   وأنحى عليها باللائمة الناس الذين أحبوها وبدأوا يتسائلون عن سبب كثرة الطحن في هذا اليوم وهم يعلمون بأنها تنشد السلوان بالتعيبرعن الامها :

واليحب ضاج وصاح      مـني شأجالـي

هاكثر طحن اليوم؟         بسـج تعالـي

ضاج:الضجر أو الملل/شأجالي:ما الذي أصابني/هاكثر:ما أكثر/بسج: كفاك.  

حسبالي هسه يعود            مـحبوبي لـيه

وأطحنلي (مَن) شعير          مـا مر عليـه

حسبالي:في ظني/هسه:ألأن/من:من الأوزان ويساوي25كغم.

أطحن جذب ياناس    أرد أخفي نوحي

من خوفي هاي الناس   أطحـن بروحي

جذب:كذب/نوحي: بكائي/هاي:هؤلاء

اطحن وأكضي الليل    عـن المريـده

وبراسي زاد الشيب     من جسـة أيده

أكضي:أنهي/ المريده:الذي لاأريده أي أكرهه/جسة:لمسة.

أطحن وأمش أدموع      والهـي بحبابي

ومتونسه كل الناس        وأنـه بعذابي

 أمش:أمسح/ألهي:أملأ/ حبابي:حبوب الشعير/متونسه:في أنس ومسره.

 

 

 

30
 العلاقات الاسرية

 

 

الأم

للأم مكانة سامية في النفوس ، وحضيت بالأحترام والتقدير ، وأحتلت الصدارة في المجتمعات كافة ، وأخذت مكانها اللائق في الأفئدة .

   والعلاقة بين الأم وأبنائها غنية عن التعريف لوضوحها وجلائها فالحنان والعاطفة الجياشة ، والأحاسيس الوجدانية التي يحفل بها قلب الأم من المسلمات التي لاتحتاج الى دليل .

   ومما لاشك فيه أن الكثير من الأمهات ينظرن الى بناتهن نظرة تختلف عن النظرة الى الأولاد ، وذلك بحكم العادات الأجتماعية والروابط الأنثوية ، وشعور الأم بأن الأولاد أكثر ألتصاقاًً بابائهم وأكثر أرتباطاً بهم ، وأنهم خير مساعد لهم في حياتهم العملية والمعاشية بعكس البنت التي تكون على تماس مباشر بأمها فتساعدها في الأعمال المنزلية وتلتصق بها أكثر من البنين ، والبنت ذاتها تنظر الى أمها نظرة تختلف عن الاولاد ، لذلك نلاحظ أن أهتمام الأم بأبنتها له ما يبرره .

   والدارس لأغاني ترقيص وتنويم الأطفال يلحظ الفرح الأسر للأم بولادة البنت والتباهي بها ، على عكس الأباء الذين تسود وجوههم ، ويعتريهم الحزن وتسودهم الكأبة ويظنيهم الالم .

   وبالمقابل فأن البنت تنظر لأمهاعلى أنها المعين والمساعد والمحامي والمدافع عنها في كل الأزمان والضروف فهي مستودع سرها وولية أمرها والمتسترة على هفواتها ، والمحققة لأمانهيها وتطلعاتها وأكثر الأمهات على علم بتصرفات بناتهن فيخفين الأخطاء ويتسترن عليها ، ويظهرن المحاسن ويتحدثن بها ، تدفعهن لذلك الشفقة وخشية الأذية . لذلك نلاحظ مدى فجيعة البنت بوفاة والدتها وعظم مصيبتها وشدة حزنها ، فتكون مهيضة الجناح ، كسيرة الخاطر والهة القلب .

   وهذه صور مختلفة لأنواع العلاقات بين الأم وأبنتها . فهذه تلقي باللوم على والدتها وتجعلها السبب في ماتعانيه من الهموم والأحزان :

نعله عله أبو الجابوج     يحبيبه يـمي

صاير خسف بالكاع      من كثر همي

نعله:لعنة/أبو الجابوج:ألذي ولدك والمراد والدها/خسف:أنشطار.

    وأخرى تشكو من الرقابة الشديدة لوالدتها ، وتقول لها أن رقابتك لا تجدي نفعاً فساحتال عليك وألتقي بمن أحب لوقت قصير لا يتجاوز فترة تدخين السيكارة :-

يايمـه تنباكـين         بطلي النطاره

خليني ويه هواي         شربت جكاره

تنباكين:يسرقك اللصوص،أرادت أنك تفشلين في مراقبتي/بطلي:أترك/النطارة:الحراسة

خليني:أتركيني/شربت:فترة تدخين السكارة.

   وهذه تطلب من والدتها العزيزة أن تدعوا لها في صلاتها ، لأن الدعاء مستجاب أثناء الصلاة لعل الله يتراجع عما قدر فقد امتلأت حياتي بالمأسي والمنغصات :

صوت الصلاه مسموع     يمه أندعيلي

شو ربـي بس شينات    تارس شليلي

أندعيلي:أرفعي يديك بالدعاء لي/شو:لأن/شينات:سيئات/تارس:ملأ/شليلي:الثوب

من الأسفل لغاية اعلى الساق.

   وأخرى تسائل والدتها : لماذا لا تبكين مثلي على من أحب ؟ الم تعشقي في صباك وتلاقي ما لاقيت من حرقة الجوى وألم الصبابة :

يايمه ماتبجين مث          لـي عله هواي

من جنتي بالعشرين        ما صابج الداي

تبجين:تبكين/جنتي:كنت/العشرين:السنة العشرون من عمرك/صابج:أصابك/الداء:

داء الحب.

   وخامسة تناقش والدتها الحساب وتطلب منها أداء القسم بصومها وصلاتها أن تخبرها . ألم يطرق الحب ابواب قلبها ؟ ألم تعشق في حياتها ؟ ألم تلتقي في صباها بأحد الشباب وتتبادل واياه الحب ؟ وهذا اليمين التسائلي دعوة الى الأم بالتعاطف مع أبنتها ومساعدتها في تهيئة السبل المناسبة للقاء الحبيب ، وأعانتها على تحقيق مأربها الغرامية :

وبصومج الصمتيه      يمه بصلاتج

محد وكف وياج       بأول صباتج

 

   وهذه تقول لوالدتها : لماذا تناصبين من أحب العداء؟ وماذا تريدين مني، وتتمنى لها الموت وأن يشيعها الهنود والسيخ وهذا آ-رمز الى خروجها عن الأسلام لدفنها من قبل الكفار ب-مقتل أهاليها وأقاربها بحيث لا يتمكن من دفنها الا الأجانب:

مالج ومال هواي       يايـمه مالج

جنازج الهندوس       وسيك البرالج

مالج :مالك به /جنازج:مشيعوك/الهندوس:الطائفة المعروفة/السيك:السيخ.

   والدارميات الأتية وصف لمشاعر وأحاسيس الأم أتجاه أبنائها وتصوير لأنفعالات ألأمومة حيال ما يصيب الأبناء في حياتها كالموت والمرض وتتميز هذه الابيات بالصور البلاغية الرائعة بما تتضمنه من التشبيهات والأستعارات حيث أستلهم العشاق من هذه الأمثلة صور جميلة للتعبير عن معاناتهم :

عمده أرد امر عالدار     واشبع مغمه

وأبجي بجـي المفطوم       من يذكر أمه ً

أرد:أريد/مغمه:الغم والبكاء/أبجي:أبكي/المفطوم:الطفل عند قطع الحليب عنه.

مثل أم ولد غركان      وأبره الشرايع

كلمن وليفه ويـاه      بس ولفي ضايع

    غركان:غريق/أبره:أراقب/الشرايع/الأنهر/كلمن:كل أحد/ضايع:مفقود.

بالك تهيج الروح       خلهـا بهضمها

مابجت مثل بجاي        أم مات أبنهـا

  بالك:أحذر/تهيج:تثير/خلها:أتركها/بجت:بكت/بجاي:بكائي.

لا تظن عيني تنام       وأطبك جفنها

مثل التنكط الماي      لوحيـد أبنها

اطبك:أغلق،أطبق/التنكط:تضع الماء في فمه قطرة بعد قطرة.

   وهذه تعقد مقارنة تفضيلية بين أبنها وحبيبيها ، وتفضل الحبيب على الابن في صورة رأئعة من التشبيه قل نظيرها في غير الأدي الشعبي . فهي تطلب من النساء اللطم بشدة لآن المتوفى هو حبيبها العزيز وليس ولدها :

هاخاله دكن حيل      ها خاله وياي

موش أبني هذا المات    الميت أهواي

ها:حرف تنبيه كما هو في الفصحى/دكن:الدق على الصدر (اللدم)/موش:ليس

 

 

 

الأخ  

   يقول الشاعر العربي:-

اخاك أخاك أن من لا أخاً له     كساع الى الهيجا بغير سلاحِ

   هذه الصورة الرائعة لرابطة الأخوة وهذا الوصف الرصين لمكانة الأخ في نفس أخيه ، دبجتها يراعة شاعرنا العربي لتضفي هالة من السمو على ماهية هذه العلاقة وعمقها وجدواها ، فأذا كانت هذه النظرة الأخوية من الأخ لأخيه مع مابينهم من التكافؤ في الأمكانيات والقابليات فما هي نظرة الأخت لأخيها ؟ الاخت التي تبقى بحاجة له حتى بعد زواجها ، بل قدتبقى الحاجة  حتىفي شيخوختها فهوالملجأ الأمن ، والركن القوي، والسند الذي تستند له وترنوأليه مثلاً أعلى في الرجولة والقابلية البدنية وجميل الشمائل والصفات .أن مكانةالأخ بنظر الأخت وفي قلبها شيء خارق لايمكن التعبيرعنه وتبيان ماهيته ، لأنه أعلى من الوصف وأقوى رابطة أنسانية وجدت على الأرض .

    ولو طالعنا أدبنا الشعبي في مختلف فنونه، ابتدأً من اغاني تنويم وترقيص الاطفال ،واغاني الالعاب والفنون الاخرى لوجدنا ان هذه الفنون حافلة بمختلف الصور الموْثرة عن شدة هذه العلاقة وعمقها 0

_ والدارمي ،اربى على الفنون الادبية الاخرى في سعة امتلائه بالصور المعبرة  عن الاخوة  والاخاء ،وما لهما من مدلولات اثيرة في النفس ، وفي اللهجة الشعبية يقال عند الشعور بالألم (آخ) بدلاً من اه لآعتقادهم أنها مشتقة من الأخوة وهذه بعض الصور الخاصة بوصف العلائق الأخوية فهذه الأخت يخرجها الأنفعال عن الطور فترفض العلاقة الأخوية أذا كانت غير نافعة وتبين عدم جدواها فالأخوان الذين لا يقفون الى جانبها عند الحاجة أليهم لا تريدهم بعد الموت يسيرون مع الغرباء لتشييعها :

مـاريدن الـخوان          هـالماينفعون

عود من أموت يجون          ويه  اليدفنون

     واخرى تصف مدى الحاجة للأخوان أنها تحتاجهم حتى بعد الموت فهم الذين يحملون نعشها ويوارونها في لحدها فالجنازة التي تسير بلا صياح ولا عويل وبدون تشيع تبدو موحشة كئيبة كأبة الموت نفسه :

يـاعازة الخـوان             عـازته عازه

والماوراها صيـاح            وحشه الجنازه

   وتتسائل الأخرى أين الذي يقول أن الأخوة تظهر عند الشدائد والمحن فهاانذا لاقيت صنوفا من الشدائد والمحن والالام ومررت بأيام سوداء عصيبة فلم يبادر لآعانتي أحد من أخوتي ولم يسع أحد منهم لرد الحيف ودرأ الظلم ومساعد تي في أجتياز تلك المحن .

جاوينه هذا الكال             الأخوه للضيج

مرت  عليه أيـام              أتنشف الريج

   والدارمي الأتي تصوير رائع لمعني الأخوة المثالية فالذي تتعاوره الهموم وتطيح به المشاكل ينتظر العون من أخيه فأذا اشتكى الألم فأخوته هم المشاركون له في البأساء والمعينون له في الضراء :

ريت اليطيح بظيج            كون أخوه وياه

وكلما يكول أحاه             كـلها تلكـاه

   وتأسف وتحزن لساعات الوداع المرة، وداع الأخ العزيز والشقيق الشفيق وتلعن تلك الساعة وذلك اليوم الذي ودعت فيه أخاها الوداع الأخير، الوداع الذي لالقاء بعده حيث يذهب الإنسان الى تلك العوالم المجهولة فليس الوداع سهلاً ولا الفراق هيناً وفقد الأخ لايمكن أن تنساه النفس فهل تستطيع امها أن تلد لها اخاً من جديد وقد أصبحت في أخر العمر وهذا الدارمي أمتداد لحكاية شعبية ملخصها ان أمرأة حكم على زوجها وأبنها وشقيقها بالاعدام وقيل لها اختاري أحدهم ويعدم الأخرون فأختارت شقيقها وعندما سئلت عن السبب في هذا الأختيار قالت كلمتها المشهورة " الرجل موجود والولد مولود والأخ مفقود "

ودعـت أخوي بيوم         غـمك يل وداع

هم تحبل امي بيوم             وجيب اخو بساع

 


31
الحيوان

من الصور التعبيرية التي أعتمدها شعراء الدارمي أستغلال الحيوانات في الرمز والتشبيه وتصوير الحالات الإنسانية والشعورية التي يراد التعبير عنها .

   فالشاعر عنما يحاول وصف حالات التعامل الانساني بين الناس يستلهم من الناقة صورة تعبر بوضوح عن حالات عامة تثير الأسى والأشفاق ، فالناقة ذلك الحيوان المفيد بالنقل والسفر ،التي تجود بحليبها بلا منة ليستفاد منها الناس ولكن رغم عطائها فالأنسان يدفع بها الى سكين القصاب ليذبحها.

    هذه الحالة الأعتيادية في ذبح الحيوان جعل منها الشاعر صورة معبرة  عن ماهية التعامل الانساني فالانسان الذي يعطي الأخرين ويسخو بماله وجاهه من أجلهم قد يلاقون صنيعه بالاجحاف وينالوه بالسوء كما في الناقة :

ناكـه شكثر للناس            درن ثداياي

تاليهـا للكصـاب            ودتني دنياي

   وأخر اتخذ من السمك العائم في الأنهار والسواقي صورة معبرة عن حالة الأنسان وهو يواجه مصاعب الحياة ومشاكلها في صراع دام من أجل البقاء تتعاوره الأيام بأسنتها من كل جانب فلا يجد ما يلوذ به وليس أمامه الا ألاستسلام لمصيره التعس أوالتمرد على واقعه الاليم .

سـمجه أصبحت مابين          شبجه وركش فال

لابـردي الـوذن بيـه         وشـمصعب الحال

   وهذه تصف الخيانة وصفاً رائعاً وترسمها بريشة فنان عبقري يستلهم  الوانها من واقع الحياة لتأخذ الصورة أبعاداً جديدة في التعبير يستشف الرائي من ورائها  تعبيراً مليئاً بايحاءات متعددة الوجوه .

    فالعقرب ذلك الحيوان القميء المكروه والذي جعل منه الخيال الشعبي صورة  للدناءة والخسة والخيانه تجد ذلك في حكاياتهم وأمثالهم وعاداتهم الشعبية ففي أمثالهم ( مثل العكرب ما دواه الا النعال) وهوفي الدارمي كذلك  مثال للخيانة وقلة الوفاء وفي الأحلام دليل الاذى والشر وفي العادات علامة لحدوث المكاره وفي الطب لعلاج السموم وفي الحكايات صورة من صور الاذى وفي الكنايات (عكرب يلدغ ويظم راسه ) الى غير ذلك من الصور الدالة على المقت والكراهية.

عكرب تريد أتصير           تـلدغني وتروح

حسبالي طيب ذات           سلـمتك الروح

    والطيور لها صور شتى في الدارمي عبر عنها الشاعر حسب ظروفه وطبيعة تعامله مع الاحداث وأستلهم منها صور عديدة ذات أيحاء واضح .

ميت هله بالعيد              لـمـام  الأرواح

كل طير أجه وحط           بيه بس طيري مالاح

ميه’:مائة/لمام:جامع/أجه:جاء/حط:وقف/لاح:ظهر.

عـاوني  يـالبرهان           بـالـونه وياك

أنـه عله ولفي الراح        وانته عله دنياك

عاوني: ساعدني/البرهان:من الطيور التي تعيش في الأهوار ،معروف بصوته الحزين الذي تتجاوب معه النفس الحزينة.

 

 

 

 

 

 

 

 

 

 

32

الحوادث التأريخية

  ولم أجد للتاريخ وأحداثه عند دراستي للدارمي الا في نماذج    قليله أحدها شبه الشاعرفيه  معاناته بحرب صفين التي دارت بين علي بن أبي طالب (عليه السلام)الخليفة المنتخب ومعاوية بن أبي سفيان الخارج عن طاعته وطاعة الله ولعل أسباب عزوف ناظمي الدارمي عن تناول الحوادث التأريخية هو جهلهم بها .

لاويها مرة ثنـين       متعجب بـهاي

تشبه حرب صفين     حربي ويه دنيـاي

   وفي التاريخ القريب هناك أشارة بسيطة الى الحرب العالمية الثانية حيث قامت السلطات المحلية بتوزيع بطاقات التموين للعوائل العراقية حيث يتم بموجبها استلام حصصهم من المواد الغذائية .

عمي يبو التمويـن        أمضي العريضه

والسمره أعله الجاي     طاحت مريضه

   وفي الأشارة الى الأحتلال الأنكليزي للعراق تقول:

مالج ومال هواي          يايـمه مالـج

جنازج الهندوس            وسيك البرالج

     مالج:ماذا تريدين منه/جنازج:مشيعك/الهندوس:الطائفة المعروفة/السيك:السيخ

وهم من الهند أيضاً/البرالج:الذي يسير مع النعش.

 

 

 


 

33
الدارمي والغناء

 

أنتشر الدارمي واقبل الناس عليه ،لرقته وأنسيابيته، وسهولة الفاظه ،وصدق تعبيره،وأستفاد منه المغنون، وغنوه في الأفراح والمناسبات،بطرق وأساليب مختلفه، وكان لكل مطرب طريقته الخاصة في ادائه، وفق أنغام معلومه تميز فيها المطربين بأطوار سميت بأسمائهم،وصارت خاصة بهم،وحاول الهواة ومن تلاهم من المطربين مجاراتها،وترديدها بذات اللحن.وقد يعمد البعض الى أضافات محببه تكسب الأغنية طابعاً خاصاً يعبر عن حال المغني ويوحي  بما يرمي الى ايصاله لذهن المتلقي فبعضهم يظيف على الدارمي كلمات تتوائم مع اللحن وتنساب أنسياب المياه في السواقي،بما بظفي ايحاأً حديداً، ويمنحه بعداًفنياً جميلاً،وقد يتناسى الناس مؤلف الأغنيةوتعزى لمن أداها.ومن ألأضافات الجميلة التي يرددها بعض المغنين مع الدارمي عند

غنائه على طريقة البسته ما غناه أحدهم:

الخالي أشمدريه  {بويـه}           بيـه وبالوياي {بويه}

آنه الطحت بالبير{بويه}        وأنكطع رجـواي {بويه}

وقد يردد المغني مع هذا الدارمي:

الظعن طاح أبغار     دوب أسمع الويد

خلصت باقي الروح   يلشايل بعيد

ثم يرددبعده(اتراب الظعن هالعمه أعيوني)أو(أبره الظعنكم ما تجوني)أو

(أبره الضعاينكم أخذوني)أو( أنشد عله الما نشد عني).

أما عندما يغني عن الحزن والبكاءكهذا الدارمي مثلاً:

يا عيني زيدي أبجاج     غرب وليفـج

وبحجـة الدخـان      ابجي عله كيفج

فيردد بعدها(كل البله منج يعيني)أو(عفيه وتنام اليل عيني).

وعندما يكون الدارمي معبراً عن آلام خاصة كجفاء الأخ مثلاً:

آهمـده الـخوان       هالـما يفيدون

عود من أمـوت        ايجون ويه اليدفنون

فيردد بعده(ثسوين بهلي وأنكروني)أو(مامش رحم بكلوب أهلنه) أو(لا يا جبح يلجابته أمي).وهناك الكثير من الأضافات التي أحجمت  عن أيرادها خوفاًمن الأطالة،وقدأحصيت من خلال المتابعة ودراسة الأغاني العراقية، مئات الأضافات المعبرة عن شتى الهموم الأنسانية التي عالجتها الأغنية العراقية عبر أطوارها المختلفه.

والدارمي ردده الكثير من المطربين والمطربات بأطوار والحان مختلفة، وكان لكل مغني طابعه الخاص الذي تميز به وعبر من خلاله عن نوازع الأنسان وأشجانه، وكان لمطربي الريف أثر واضح في تعدد الأنغام وتنوع الألحان،فقد كان المغني سابقاً لايعتمد في تلحين أغانيه على الملحنين كما هو الحال في الوقت الحاضر،بل يصوغ الحانها لتلائم قابلياته الفنية ، وطبقته الصوتية،وينشرها بين الناس من خلال مجالس الطرب والغناء والأفراح والمناسبات،وبعد أختراع الأسطوانات قام المطربون بتسجيل أغنياتهم عليها فاكتسبت ثهرة فائقة وأنتشرت في كل مكان،وأصبح لكل فنان طوره الخاص الذي عرف به، وتميز في أدائه.

وكان لقراء المقام العراقي أثرهم الواضح في شيوع الدارمي وتنوع الحانه، فقد غنوه مع مختلف المقامات، وأبدعوا في أدائه،فقد غنى الاستاذ محمد القبانجي والفنان يوسف عمر والفنان رشيد القندرجي والمطرب عبد الرحمن خضر والمطربات المشهورات سليمه مراد، صديقه الملايه،عفيفه أسكندر، مائدة نزهت،وغيرهم نصوص كثيرة من الدارمي على الحان المقام العراقي ومن ذلك:ما غناه الفنان يوسف عمرمع مقام (اللامي):


 

اعله الدرب يهواي       يربن أعيوني

ودي أتبعك للموت      لـو يخلوني

وغنت الرحومة سليمة مراد مع مقام(الكرد):

أتمنه ساعـه بليـل       طيفك أشوفه

والما يشوف النـوم       غصبن يعوفه

وهذا الدارمي غنته مع مقام(الصبا):

يلتنشد عله الراح         عنـه ونسانه

والكلب من فركاه         زادت أحزانه

وعلى مقام (المستعار) غنى يوسف عمر:

كلبك صخر جلمود      ما حن عليـه

وأنته بطرب وبكيف      والبيـه بيـه

والفنانة سليمة مراد غنت الكثير منه هذا الدارمي على مقام( الحجاز):

مثل المضيعـه اثنين       أبـن ورجلهـا

متأسفه عله الروح         لو جاها اجلها

وعلى مقام (البيات)غنى أحدهم:

كل ساعه أكول هواي     هسه يجيني

وأنطر واكول اشصار      يا بعد عيني

وغنى هذا الدارمي على مقام(العجم)الفنان يوسف عمر:

كل لحظه أمر عليك     بلكن أشوفك

لو كصو أيدي بسيف   أبدن معوفك


 

ومع مقام ( السيكاه):

يوليدي يزغـيرون      بطل ونينك

تبجي بجي المالـوم      ربك يعينك

وأدنت الفنانة سليمه مراد هذا الدارمي على مقام(الرست):

يلماشي الله ويـاك        لحـظه وتأنه

واسمع كلامي وروح     شوكك كتلنه

وكان لمطربي الريف الفنانين حضيري أبو عزيزوداخل حسن وجواد وادي وناصر حكيم وعبد الأمير طويرجاوي وعبد الصاحب شراد وغيرهم الأثر الواضح تأدية الدارمي مع الأغاني العراقية وبألحان مختلفة تميزت بطابعها الأصيل المعبر عن هموم ومشاكل الطبقات الأجتماعية المختلفة ،وقد كان لهم الدور المتميز في ميادين الغناء العراقي الأصيل.

 

 

 

34
المساجلات والمطارحات

المساجلات والمطارحات فن قديم من فنون الادب العربي مارسها الشعراء بأشكال عديده، فمن مخمس لقصيدة،   أو مشطر لأبيات،أومجاري لمقطوعة،أو مباري لشاعر، وغير ذلك من الفنون التي توسل الشعراء من خلالها لأظهار قابلياتهم ومهاراتهم على التجويد ومجارات الأخرين.والشعراء الشعبيين مارسوا ذات الأمرفي أشعارهم وقصائدهم،فكانت المساجلات والمطارحاتفي المجالس وعبر الصحف والمجلات، ومن خلالالرسائل المتبادلة بينهم ان باعدتهم المسافات، فقد ينظم أحدهم بيتاً نت الدارمي في بغداد ويرسله الى شعراء الكوت أو النجف أو الناصرية،ليباروه بما لا يخرجعن موضوعه، فتتوالى الأجابات والردود ،وكانت هذه الوسائل الطريق للراسلة وألأتصال بينهم،وقد حفلت الصحف والمجلات العراقية بالكثير من هذه المساجلات،وأثيرت الكثير من المعارك الأدبية تناولوا من خلالها مواضيع تفرظها طبيعة المناسبة،وقد نشر الكثير من ذلك في كتب ومجاميع خاص.

وما يعنينا تناولة في هذه الدراسة هو الدارمي ذلك الفن الأصيل ألذي كان معواناًللشعراء في التعبير عن مختلف الأحاسيس والمشاعر،وقد أثيرت معركة حول الزمن وتقلباته وما يعانيه الأنسان من مصاعب فيه فقال الأول:

وازاني دهري أشلون    من ظيمه ما صيح

وصار الرمح بجلاي     الزمـني لا طيـح

  وازاني :زاحمني،عارضني/أشلون:كيف/صيح:أصرخ/أجلاي:كليتي والمراد روحي/                 

  ألزمني:أمسك بي/أطيح:أسقط.

فتوالت الأجابات:


 

(1)

الدهر لـو وازاك      ها بالك اتصيح

خلي الرمح بجلاك       واصبر لما اتطيح

(2)

أهواي الك شمات       ها بالك اتصيح

شيل الرمح بالحيل       لا ترج وتطيح

(3)

شنهو الدهرو تلوج       منـه وتهم بيه

أتشابج أنته أوياه         وباليمنه  لاويه

(4)

الدهر لـو وازاك        هم انتـه وازيه

وزيد العداوه اوياه       وبالعنده داويه

2-أهواي:كثير/ها بالك:أياك/شيل:أحمل/الحيل:القوة/ترج:تضعف.

3-شنهو:ما هو/تلوج:تتوجع منه/تهم بيه:تفكر بأفعاله/أتشابج:صارعه بيديك/

  أوياه:معه/اليمنه:يدك اليمنى/لاويه:أثني ذراعيه.

4-وازيه:زاحمه/زيد:أكثر/العنده:العناد/داويه:عالجه.

 

 

 

 


 

(5)

ألدهر لـو وازاك        ما منـه جاره

أصبر لـما تنعاب         حـته المراره

(6)

الدهر لـو وازاك          أتوازه ويـاه

لو ميت وخلصان          لـوأنته تهواه

(7)

معدن طلع مغشوش    مو معدن اصحيح

والمـا نفع بالضيج     خـل رمحه أيطيح

وأثيرت مساجلة أخرى حول قسمة الحظوظ فقال الأول:

(8)

يجسم الناس وناس          جسم الله باطل

ذب طرحي بعركوب         وخلاني أماطل

 

5-جاره:حل/تنعاب:تثقب/6-خلصان:سالم أو متخلص من ألامه.

7-طلع:ظهر/مغشوش:غير صحيح/الضيج:الضيق/خل:دع/أيطيح:يسقط.

8-يجسم:يقسم/الناس وناس:قسم وقسم/جسم:تقسيم/ذب:جعل/الطرح:حصة

الفرد في الأعمال الجماعية/عركوب:تل مرتفع/خلاني:تركني/أماطل:أقاوم.


 

(9)

طرحي بصخر ذبوه          ول يـا نصيبي

أحضر وارد بالليل          واحبي عله شيبي

(10)

الجسم جسم الناس         جسم الله بالكيف

للنايم أرغـيفـين          والينـبح أرغيف

(11)

طرحي بصخر ذبـوه         مسحاتي جلـت

بس دعوتي ويه أهواي       كـل دعوه فلت

ومطارحة أخرى حول أيهم أكثر بكاءً:

(12)

متعجب انته بهـاي            دمعك سكه لوح

دمعي منهده الـيوم             للمشهد أيـروح

9-ذبوه:وضعوه/ول:أذهب/أرد:أرجع،أعود/أحبي:أزحف/شيبي:رغم شيخوختي.

10-الجسم:التقسيم أريد به تقسيم الحظوظ/بالكيف:حسب المزاج،بدون ضوابط/

    النايم:كناية عن العاطل/الينبح:كناية عن العامل المجد.

11-جلت:تعبت/بس:فقط/دعوتي:مشكلتي/فلت:وجد لها الحل.

12-هاي:هذه/سكه:سقى/لوح:مساحة صغيرة من الأرض/منهده:أطلقه/المشهد:

    مرقد الأمام علي أببي طالب في مدينة النجف الأشرف


 

(13)

دمـعي منهده اليـوم                يوصل عكركوف

غـرك أهـل بغداد                 والحلـه أتـروف

(14)

دمعي علـه الشباج                 ساح وتلـطلـط

والبيه شطاره فـاج                 ولبالصحـن غـط

(15)

دمعي أعله عالي اليوم                  أنـه أرد أدهديـه

ودورن يلـحديثات                   تلكن سمـج بيـه

(16)

دمعك فرد شط صار                  دمعي غده أشطوط

مـا كيش أبدن بيـه                  بـني ولا شبـوط

11-يوصل:يصل/عكركوف:منطقة أثرية شرق بغداد/غرك:أغـرق/أتـروف:

      تضع السدود للنجاة من الفيضان.

12-الشباج:الشباك الموضوع على أضرحة الأئمة/ساح:جرى/تلطلط:أرتطم بجدرانه/

   فاج:سبح،يعوم/غط:غرق.

13-أدهديه:أرسله ليجري/دورن:فتشن/تلكن:تعثرن.

14-فرد:واحد/غده:أصبح/كيش:تمكن من الوصول الى قعره/أبدن:أبداً،بتاتاً

      البني والشبوط:من الأسماك النهرية المعروفة.

أما معركة العزيز، وأين مكانه ،فقد كانت حامية الوطيس أزدحمت فيها الصورالجميلة المعبرة عن أعمق المشاعر ألأنسانية، وأجمل صور الحب والغرام:

(17)

كـون العزيز أيصـير                 بضلوعـي شامـه

وأشابك أنـه أويـاه                 مـامش مـلامـه

(18)

كـون العزيز أيصـير                 تـرجيـه بذنـي

ولو كمت لو كعديت                  بـالـخد يحبـني

(19)

كـون العزيز أيصـير                  مـكلـد والبسه

وبين النهد  والـثوب                   سنتـين أحبـسه

(20)

كـون العزيز أيصير                     لضلوعـي سباح

وأشابك أنـه أوياه                      وأفـادي يـرتاح

17-كون:ليت/أيصير:يكون/شامه:خال/أشابك:أتعانق/مامش:بدون.

18-ترجيه:حلية ذهبية معروفة/كمت:نهضت/كعديت:جلست/يحبني:يقبلني.

19-مكلد:قلادة توضع على الصدروتداعب التهدين.

20-سباح:جذر/أشابك:أتعانق/أفادي:فوأدي.

 

 

(21)

كـون العزيز أيصـير      خـزامـه أليـه

وأوصل الحلك أهواي      مـن غـير أذيـه

أما جرح الحب ذلك الجرح ألذي أعيى الحكماء،وأعجز أمهر الأطباء،فوقفوا حياله مكتوفي الأيدي،فقد تعددت الصور، وتباينت الأفكار حوله،ولم يصل ساحله أمهر السباحين

(22)

هاك أبره هاك الخيط          هـاك أردأكلفك

أمشكـك الـدلال          شلـه عله عرفك

(23)

هـاك أبرتك والخيط            هـاك أمشي عني

لـو بيه أشل جروح            جـا أشـل ذنـي

21-خزامه:حلية ذهبية توضع في ثقب في الأنف/حلك:فم/غير:دون.

22-هاك:خذ/أرد:أريد/أكلفك:أوصيك/أمشكك:ممزق/شله:الشل الخياطة/عرفك:

       خبرتك.

23-أمشي عني:أبتعد عني/لوبيه:لو أستطيع/جا:أذن/ذني:اشارة للمكان.

 

(24)

هـاك أبرتك والخيط            وأدنـه لـيغـاد

نـار التحبـه الروح            تسعـر بالافـاد


 

 (25)

هـاك أبرتك والخيط       ميـل تـرانـي

أجـلـد بـممشاي     طـكـني زمـاني

24-أدنه:تحرك/ليغاد:الى هناك/تسعر:تتضرم.

25-ميل:تحرك/تراني:لأنني/أجلد:أتماسك/ممشاي:مسيري/طكني:ضربني.

 

 

 

35 الحوار في الدارمي

 

الدارمي كغيره من فنون الأدب الشعبي ،عالج الكثير من الأغراض وسلك العديد من الطرق لأيصال أفكاره بوضوح وأبانة،ورغم كونه من الفنون العفوية التي مارسها الناس،وعبرو من خلالهاعن مشاعرهم وأحاسيسهم.

وقد مارس نظمه بعض الشعراء المشهود لهم بطول الباع في ميادين الأدب الشعبي،وأغنوه بخبراتهم وتجاربهم ،وأفكارهم الجميلة،فسار مواكباً الزمن ،وتطور بتطوره، وتناولوا من خلاله الأغراض الأخرى التي لم يشارك فيها قالته السابقين بسبب قصور مداركهم، وقلة معارفهم،وعدم المامهم بطرائق التعبير الفنية.

والحوار كان موجوداً فيه ولكن بصورة أقل مما هي عليه في النصوص الأكثر حداثة،ولعل ما لم يسجل فيه الكثيرمن النماذج التي مارست الحوار وأخذت به،والسؤال والجواب من الطرائق المستحدثة في الشعر الشعبي، مارسها الشعراء لأضفاء مزايا جديدة على الشعر،فحذا الدارمي حذوها وسار في ركابها، وأثبت قدرته على مجاراتها، والملاحظ أن السؤال والجواب قد يكون في البيت الواحد ،والسؤال في بيت والأجابة في آخر،وقديكون السؤال في شطر والأجابة في شطر آخر تتلوها مداخلة من السائل تكون رداً أو أكمالاً لوحدة البيتين الموضوعية،وفيما يلي بعض النماذج ألتي وجدت فيها ذلك:

أشعندك من المال؟      وعليك الحسين

من السدايين جوز      وجلابي أثنين

أشعندك:ماذا عندك/عليك الحسين:أقسم عليك بالحسين/السدايين :جمع سدانة وهي حاويةتصنع من سعف النخيا توضع فيها الحاجات المنزلية.

جلابي:كلابي.


 

هم ظعن مر عليك       لـوأهله معدان؟

مـر وتعده وفات       هدوه مـن الوذان

هم:أيظاً/معدان:أعراب رحل والمعدان تطلق على مربي الجاموس/هدوه:أبان الأذان أو قبله بقليل.

هاي ألك ست عانات       يلواشي بس كوم

مـاريد انـه العانات       جيت الكط علوم

هاي: هذه/عانات:جمع عانة وهي عملة معدنية تساوي 4 فلوس في العهد المباد،وبعيد ثورة4 1تموزالمجيده أستبدلت بقطعة معدنية فئة 5فلوس وأنتشرت في حيته المقولة المشهورة(عاش الزعيم الزود العانه فلس)ألكط:أجمع/علوم:أخبار.

شلـك بزرع الناس؟        زرعـك زلوفي!

لـو ينرهـن للناس          مـا عدنه نوفي

شلك: ماحاجتك/أزلوفي :جمع زلف وهو خصلة من الشعربجانب ألأذنين تبرزها المرأة تجملاً وزينة/ الرهن:الأستلاف بضمانة المحصول/ نوفي:نفي بذلك،نسدد.

ألخضر هـذه عليج         واحـنه بـمسيه

عينج تصـد للغـير         لـو بـس الـيه

عليج/علبك وهو من الأقسام الشعبية/عينج:عينك/تصد: تنظر/تطب:تدخل/دنيه:شرهه أو نهمه لا تستطيع ضبط عواطفها عند رؤية الجمال.

أتـحشـم النسوان          كـوه أبجن أبجن

لـو تبجن عله اهواي         لـو دن تخسرن

أتحشم:تثير الحمية/كوه:أجباراً/الدن:الضعف بالوزن.

موش أحنه مبتلـيات          هـم باليعشكن

ولا نبجي اعله أهواج         ولااحنه نخسر دن

اتحشم: تثير فيهن الحمية/دن: الظعف/مبتليات: مسؤلات.

يلجاعد انتـه منين            انـه من البدور

دنهض اجتنه الكوم            بيرغهـا منشور

يلجاعد: يلجالس/أمنين:من أين/البدور:عشيره معروفه/أجتنه:جاءت لنا

أقبلت علينا/الكوم:القوم،أرادت بذلك الأعداء/ منشور:مرفوع لغرض الحرب. 

 


36
الدارمي والصراع الطبقي

كان العراق يرزح تت نير الأستعمار والتسلط الأجنبي منذأستيلاء الأتراك على مقدراته السياسية حتى أنبثاق ثورة الرابع عشر من تموز المجيدة 1958م وكان المجتمع العراقي يقسم الى طبقات تتباين في تكوينها الأجتماعي حسب الوضع الأقتصادي الذي تعيش فيه،ففي المجتمع الريفي تسلط الأقطاعيون على رقاب الفلاحين وأستغلوا جهودهم لتحقيق المكاسب المادية،والسيطرة على الأراضي الزراعية،وفرضوا على الفلاحين قوانين العمل بما يكفل مصالحهم وينمي مواردهم،فكان لمالك الأرض غالبية الأرباح ولا ينال المزارع ألا النزر اليسير،الذي لا يقوم بأوده ولا يسد رمقه،ولا يفي بحاجاته اليومية،لذلك نلاحظالبون الشاسع بين حياة الفلاحينالبائسة وحياة الملاكين المترفة،فنشأجراء ذلك فارق طبقي حادبين الأثنين،مما أدى الى تفاقم المشكلة وتوسيع الشقة بين طبقات المجتمع. وكان لرجال الدين الذين أتخذوا الدين سلعة لتحقيق مأربهم على حساب الطبقات المستغلة أثره في نشر المفاهيم الدينية الخاطئة،بما أذاعوا من سنن وتعاليم تتناقض ومبادء الدين الحنيف،فروجوا للفكر الخانع ونشروا المفاهيم الداعية الى القبول بالواقع وعدم السعي لتغيره لأنه من الأرادة السماوية التي لا يجوز مقاومتها والثورة عليها.والشعر أنعكاس للواقع وصورة ناطقة للوضع الأجتماعي المعاش،لذلك نلاحظ أن الشعر الشعبي والدارمي خاصة طرح مفاهيم وأفكار تباينت في تفسير الواقع وسعت لتغييرة ظمن أمكاناتها الخاصة،لذلك كان الدارمي هو المعبر الأصيل عن هموم الأنسان ومعاناته وقد حفل بالكثير من النماذج المعبرة عن التمايز الطبقي،وأشكال الظلم والتعسف التي عاناها الكادحون وقت ذاك.

ومن النصوص المعبرة عن المعانات الناتجة عن أستغلال الأقطاعيين والملاكين للطبقات الفلاحية ماعبر عنه هذا الدارمي الذي يصف الحالة العامة للفلاح العراقي،فالفلاح الذي يعمل ليلاًونهاراً في كري الأنهار وزراعة الأرض وحصادها يشاركه في ذلك أفراد عائلته،ناظراً الى السماء لتجود بغيثها يترقب ويعد الأيام والشهور ليحين موعد الحصاد ليجني ثمار أتعابه وجهوده،وبعد الحصاد وتقسيم الحاصل يفاجئه الواقع المر المتمثل بحصة الملاك التي تتجاوز نصف المحصول،وكلفة البذور وخمس السادة والعقر والضرائب والزكاة وحصة الكيال ومضبف الشيخ وديون المواد العطارية كالشاي والتبغ والقهوة وما يستجد من أمر أخرى فتكون النتيجة أنه مدان الى الملاك بما يوازي عمله لسنين،وعليه تسديدها في العام القادم وهكذا يكون مشدوداًألى عجلة الملاك والمرابي حتى الموت،لذلك نلاحظ أن الكثير من الفلاحين هجروا الأرض هرباًمن تسلط الأقطاعيين ،وسكنوا المدن الكبيرة،ومارسوا الأعمال الحقيرة،وعانواالكثير من البؤس والحرمان والفاقة حتى أنبثاق فجر النور والحرية..فجر الرابع عشر من تموز1958حيث نعم الشعب بالخير والرفاه وصودرت اراضي الأقطاعيين بقانون الأصلاح الزراعي ووزعت على الفلاحين وبذلك أنطوت صفحة كالحة من الظلم والتسلط.

شنطيله شنطي البيت         شنطي الحميــدي

وشنطي السيد نـور         وأبن السويــدي

شنطيله:ماذا أعطي له/الحميدي:بقال القرية من عشيرة الحميدات الساكنة في الشامية/سيدنور:من السادة آل ياسر كان يأخذ للخمس من الفلاحين وهو ما يسمى حق السادة/أبن السويدي:مالك الأرض من آل السويدي الأسرة المعروفة في بغداد.

وأخرىتصف أحد الفلاحين بأنه يعمل (بأكل بطنه)ولا يملك من متاع الدنيا شيئأ ،وتصف حالته البائسة,وملابسة المهلهلة،وعدم قدرته على أحتذاء حذاء(حافي)والحافي تعني المفلس أيضاًولكنه رغم حالته المزرية، وذله واستخذائه ،يحاول فرض سيطرته عليها،وأنعكاس ما يعانيه على معاملته القاسية ،تقول:

بحصد عله خريطـاه        ويـه وجعـة أمـي

حافـي بجرد مركوع        دخـانـه يعمــي

خريطاه: طعامه البسيط والكلمة أشبه بالدعوة لأن يكون طعامه كالسم يسبب له الألم المبرح/ويه وجعت أمي:دعاء ممزوج بالسخرية بأن يصاب بذات المرض العضال التي أصيبت به والدتها/جرد:اللباس القديم المهلهل/مركوع:الثوب المرقع وهي فصيحة/دخانه يعمي:أي ليست له فائدة ولا ننال منه ألا الأذى.

وآخر يصف حالته المزرية،وما يعانية من الظلم جراء الموقف الأستبدادي لمالك الأرض، فهو في حيرة من أمره؟هل يشتري غطاء لراسه،أم يفي الدين،ويدعوا الله أن يسلط ناره الحاميةعلى داره لتحرقه بما فيه:

مدري أشتريلي أشماغ         مدري أوفي عجـه

ياربـي نـارك ويـن         الـداره تحرجــه

وأخر بصف الحالة المأساوية للفلاح العراقي ويصف جشع الأقطاعيين وتسلطهم،فالمالك له الثلثين والله له الثلث وأن ثلث الله له أيضاً كأنه مدان له،وهذه الحالة هي السائدة في العراق أبان العهد المباد ومن الأهازيج المشهورة(ثلث الله وثلثين الماضي)

الله بثلث يـا نـاس             والمـاضي ثلثيــن

وثلث الله هم ملحوك            جنـه أنطلب ديـن

وأخر يصف تسلط (السراكيل)وهم وكلاء الملاكين،في أدارة الأرض وزراعتها،ولهم اليد الطولى في الأستغلال البشع الذي عاناه الفلاح العراقي،ويقول أني أشعربألام مبرحة في داخلي من وكالة فرهود التي أخذت كل شييء فلم أنال غير الألم والأجهاد :

من سركلـة فرهـود              توجعنـي بطنـي

لا هـرفي بيه محصول               لاأفـلـي أشنـي

    وأخر يصف الظلم والتعسف الذي أحاق به ويتضرعالى الله أن ينظر اليه بعين رحمته،فقد غبنت حقوقه بهذه القسمة الجائرة،حيث أستحوذ الملاك على كافة المحاصيل ولم يترك لهم ما يسد رمقهم:

جا وينه رب الكون               ما ينظـر النـه

من جسمة المـلاك                كلنه هلكنــه

وتوجه آخر الى الخلق العظيم،متوسلاً اليه أن يحيل أراضيه الى سبخ لا يصلح للزرع،لأن الملاك أخذ كل شييء:

ريت الله واطه الكـاع           سواها صبخـه

طكني عله راسي جماغ           هل طلع  مخـه

طكني:ضربني/جماغ:هراوة في أحد طرفيها قطعة من الحديد.

وهذا الفلاح يتمنى أن يكون حاصله كالسم النقيع في أحشائهم،لأن أتعابه ذهبت أدراج الرياح:

كون الزرعته أيصير             سم أبطنهــم

راح التعب للغير          والحاصل الهــم

وهذا  يصب جام غضبه على الملك،ويكيل له السباب لأنه ظالم وقد غمطة حقوقه:

نعله أعله أبو الملاج         لا بو اليحبــه

ما عنده أبد وجدان         لا عرف ربـه

  

 


37
نصوص محققة ومشروحة من الدارمي

 

 

 

 

-1-

اشماردت يهواي صار        والــف صـار

عبره أنه ألك سويت        بـظلوعي الكصار

-2-

من بعد عين الشال          شلـي بخواتـج

لنطر وأشيب الراس           وأخـبناتـج

-3-

النار أصيح الـنار             مـن ولفي أحاه

لابيـه ادنـه لـيه           ولا بيـه فـركاه

-4-

النـار أصيح النـار          حركتـني الـنار

وجـت ولا تطفيش           بضلوعي الكصار

1-أشماردت كلماتريد/عبرة:جسر،قنطرة/سويت:صنعت/الكصار:القصار.  

2-شال:رحل/شلي:ما حاجتي/خواتج:أخواتك/أخذ:أتزوج/بناتج:بناتك.

3-أصيح:أصرخ/أحاه:ألتأوه من الألم/لابيه؛لاأستطيع/فركاه:فراقه.

4-حركتني:أحترقت بها/وجت:أشتد ضرامها/تطفيش:تنطفيء.

 


 

-5-

أضحك وواسي الروح           والبـيـبـيـه

البلمهـدمنـه أيشيب          ظـيـم العـليـه

-6-

يمعوده شيلي الـزاد        تونـي تغديـت

جابولي طاري أهواي        بـالزبده غصيت

-7-

لو أدري هيج أيصير         مـا عاشرتـهم

جلد وعظم ظليت           مـن فـاركتهم

-8-

أنهجم بيت الكال          بـالعشك راحـه

كل عاشك أتمر بيه          نـاصب مناحـه

5-البلمهد:كناية عن الطفل/ يشيب:يبيض شعرة.

6-يمعوده:للنداءبتبرم/توني:الآن/تغديت:تناولت طعامي /طاري:ذكر.

7-هيج:هكذا/أيصير:يكون/عاشرتهم:عشت معهم/جلد وعظم:كناية عن الضعف.

  8-أنهجم:تهدم،تهاوى/كال:قال/نصب:مارس/مناحة:البكاء .

 

 


 

-9-

شمالك يبعد الروح           لـونك تـغـير

عندي خوات أثنين          طـب وتـخـير

-10-

مشتهيه روحي اليوم          تتنـادم أويـاك

تكدر تسوي أحسان         يسمر عله أهواك

-11-

أنتـه التحرس البيت        وأنتـه التبوكـه

وتحطلي سم بكلاص          وتكلـي ضوكه

-12-

مية عزيز أيموت            مـن أهلي وانساه

أحاه سهم جتال            شج ضلعي واحناه

 

 

 


 

9-شمالك:ما بك/لونك تغير:أصفر وجهك/خوات:شقيقات/طب:أدخل.

 10-تتنادم:من المنادمة :السمر/تكدر: هل تستطيع/تسوي: تعمل.

11-تبوكه:تسرقه/تحط:تظع/كلاص:قدح/ضوكه:تذوقه.

12-مية:مائة/أحاه:التأوه من الألم/جتال:قاتل/شج:شك/أحناه:أعوج

 


 

-13-

بـين السمه والغيـم               عونه الغفـه ونـام

لا واشـي يصـعـد              لـيه لا يمـه نمـام

-14-

عمده أرد أمر عالدار                واشبـع مـغمـه

وأبجـي بـجه المفطوم               مـن يذكـر أمـه

-15

عود أبعدت واسلاك                  غـمك يهالـراي

تعرضلي وبه الـزاد                 وبـشـربة المـاي

-16

لا عبره وانطي أفلوس                لاأعـرف الفـوج

سم وجرعته أويـاك                بـس مـنه أنا لوج

-17-

تنشدني علتي أمنـين                وأنـته أدره بيـها

كتبه علـيه هـاي                  أصـبر عـليـها

 13-السمه :السماء/عونه:هنيئاًله/ألغفه:ألذي نام /الواشي:ناقل الأخبار.

14-عمده:عمداً/أرد:أريد/أبجي:أبكي/المفطوم:الذي فطم .

15-عود:أتظن/أبعدت:ابتعدت/أسلاك:أنساك/غمك:سحقاً لك/تعرضلي:أذكرك


 

-18-

نجمة صبح يهواي               عالي أعله البيوت

عين التصد للغير                من عكبك أتموت

-19-

كالولي منهو الجاي              كلتـلهم أهواي

نشدوني أشمدريج              رف كلبي وأجلاي

-20-

كل التريده أيصير               بـس أنـته آمر

خل تحترك هالناس               بـس أنته عامر

-21-

يحليوه خشنه الكاع            أمشي عله جسمي

فدواتج الـخـوان            وأولاد  عـمي

-22-

متحزمه بحزامـين              كل لطمي ويلي

أطـبك نهار وليـل           مـا نكض حيلي

 

18-تصد: تنظر/عكبك:بعدك/19-الجاي:القادم/أشمدريج:ماأدراك/رف:تحرك.

20-أيصير:يكون/بس:فقط/تحترك:تحترق/21-يحليوه:أيتها الجميلة/خشنه:عكس الناعمة.

   فدواتج:فداء لك/22- ويلي:يا ويلتي/أطبك:أجمع/نكض:أنهد


 

-23-

لا تظن عيني أتنام                    وأطبك جفنها

مثل التنكط الماي                     يشكر لابـنها

-24-

روح الله لا هـناك                  يلعفت ألاحباب

جرح الكلب ملجوم                خـزن ولا طاب

-25-

لا تظن والله أسلاك               خاف انته سالي                وأنه بعلاج الـموت               تطري أعله بالي

-26-

ساسك رمل هيال                  من يا شريعه

للرايح وللـجاي                سـرك تبيعه

-27-

أتعمن والعـبـاس               ودي بعماجن

بس لاأشوف أظعون            من ولعاجـن

 23-أطبك:أنطبق، غفى/تنكط:تقطر الماء قطرة بعد قطرة/يشكر:ذو اللون الأشقر.

24-هناك:جعلك بهناء/عفت:تركن/ملجوم:مؤلم/خزن:أمتلأقيحاً/طاب:شفي.25-أسلاك:أنساك/علاج:سكراتالموت/تطري:تمر/بالي:فكري/26–ساسك:أساسك/هيال:يتهاوى بسرعة/ 27-أتعمن:يصيبها العمى/ولعاجن:من تولعتن به


 

-28-

عديته جوزي وياك                   جوزبأثر جوز

ولفي وربيت أوياه                     يالتفتهم جوز

-29-

رد يالطبيب الجاي                    لا تجس نبضي

صدك بعد ساعات                    والعمر يكضي

-30-

شفت الكمر يهواي                  حسبالي أنته

والجابته أمي رخيص                       والغالي أنته

-31-

بالظعن وين أتريد                       مسرع يحادي

ما كلت خاف أحباب               ظلت تنادي

-32-

ألدهر كص يمناي                 كص يسرتي البين                                          بيش ألزم الدلال                     بيش أمسح العين

28-عديته:حسبته/الجوز:الأثنين/جوز:أترك.29-رد:أرجع/الحاي: القادم/تجس:تلمس.  

  صدك:كن واثقاً/يكضي:ينتهي.30-شفت:رأيت/ حسبالي:حسبته/الجابته:الذي ولدته/رخيص: زهيد الثمن.31-وين:أين/مسلاع:متعجل.32-كص:قطع/يمناي:يميني/


 

-33-

كل ألأسف ياحيف                  بسمك تنخيت

بعد الحمل ما طاح                  مـنـي تبريت

-34-

طولوها يمحبين                      هاي أتله وكفه

ضرني الهجر جتال                   والفركه كلفه

-35-

خالاني دكن حيل                     ها خاله وياي

ماهو أبني هذا المات                  الميـت أهواي

-36-

كمره وجديده الدار                  سـيـر يغاتي

وغيرك فلا يسوون                     بـريسم عباتي

-37-

شيل وعكط بالبير                    كل لابس أشماغ

واللبس غتره أتلوك                     شرشوبة أجناغ

 

33-ياحيف:يالللأسف/تنخيت:أستنجدت/الحمل:الشيء الثقيل/طاح:سقط.

34-طولوها:أطيلوها/أتل÷:آخر/جتال:قاتل/كلفه:مؤلمة.35-دكن:أضربن/حيل:بقوة.

36-كمره:مقمرة/سير:أقدم الينا/أغاتي:تركية مشتقة من أغا وتعني الجليل.


 

-38-

كلبي أبفرد بتـين                 أنكطعن وضاع

واحد ابحادي العيس                واحد بالوداع

-39-

غمهه أشتكول الناس              ضاحك للوداع

ومن عادت المذبوح                يرفس عله الكاع

-40-

شو خاله ملتمات                 كلجن عله أهواي

جبته برشيح العين                  ومراجف أجلاي

-41-

ربيتك أزغيرون                    لـيش أنـكرتني

تكسر أجناحي ليش               يلـما ردتــني

-42-

والله أنترس ماعون                 صـبـري وتبده

وكلشي تمله الروح                  من يجـزي حده

 

39-غمهه:ماأتعسها/يرفس:يضربالأرض بقدميه/40-ملتمات:مجتمعات/كلجن:كلكن

جبته:جلبت/رشيح:دموع/مراجف:خفقان.41-أزغيرون:صغير/ليش:لماذا/يلما:الذي لم

42-أنترس:أمتلأ/ماعون:أناء/تبده:أنسكب/يجزي:يتجاوز


 

-43-

سويتني يهـواي               للنجم راعـي

عينك تبوك النوم                لو مثلي واعي

-44-

الله عله كلمن كال               والـلي تعده

من بين أديه أهواي                مـاي وتبده

-45-

زود عذابي أوياك                 انه أرضه يهواي

يالحشر بلجي أيطول             موكافك أوياي

-46-

كلتلها تتحنين                     بجفــاج أليه

كالت مسحت العين             وأثر بــديه

-47-

لاأرضه عني تكوم                 لاأرضـه تبعد

لاأرضه جاري اتصير             لا أرضـه تكعد

43-سويتني:جعلتني/تبوك:تسرق/واعي :مستيقظ 44-اللي:ألذي/تبده:أنسكب.

45-أوياك:معك/أرضه:أوافق/بلكي:لعل/موكافك:وقوفك/أوياي:معي/46-كلتلها

قلت لها/تتحنين:تظعين الحناء/جفاج:جفائك/47-أرضه:أوافق/


 

- 48-

يلهنت روحي أعليك              ريضلي أشوفك

لا بيه أصدن ليك                  لابـيه أعوفك

-49-

يجذب الكال العين                 لو بجت حكها

لو عمت من فركاه                بـينُ صدكها

-50-

مر تسمع الها ويد                  روحي وكلبها

شلها غرض هالناس                نـار وحطبها

-51-

يا عيني زيدي أبجاج                 غرب وليفج

وبحجة الــدخان                  أبجي عله كيفج

-52-

يا روحي نص الليل                 ها شو كعدتي

مامش ملام أعليج                  يمكن ذكرتي

 

48-يلهنت:يا من أرخصت له نفسي/ريض:تمهل/أصد:أنظر/أعوفك:أتركك.

49-حكها:لها الحق/بين:ظهر/50-ويد:صوت مرتفع/شلها:ما غرضها.

 


 

-54-

آونتي ونوحــاي             آفـركـة هواي

حته البجي بسكوت            من نـار ألويـاي

-55-

لو ما أخاف الناس              تـتـحاجـه بيه

لصبح أرض لهواي              يــسحك عليه

-56-

يا كتر بالـدلال              خـالي من العيوب

وبيا مجان أيصـير              جرح اليجي ألنوب

-57-

لا تظن بحت أسرار             يـلـي أتـ همتني

لاجن دموع العين              هـيـه فـضحتني

-58-

كلــما يصير الليل             يـطـرن أحزانك

عيني أتعمه ولا شوف           خـالـي مـجانك

 

54-نوحاي:النوح/فركة:فراق/وياي:معي.55-تتحاجه:تتكلم عني/يسحك:يسحق.

56-كتر:جهة/خالي:فارغ/مجان:مكان/النوب:مرة ثانية.57-بحت:كشفت/لاجن:لكن

58-يطرن:اتذكرهن/خالي:فالغ/مجانك:مكانك.


 

-59-

سوالي ونـه وراح                 مـنـي ولـيفي

مامش عزيز أيموت                 و أبجي عله كيفي

-60-

يا دنيه نوب الويج                 نوب أنـتي تلوين

أخذيني بالمعـروف                 لو ردتـي تجفين

-61-

خي لا تظن فركاك                   هـيـن عـليه

صارت ألك بجلاي                   مـيـة شـجيه

-62-

سم لو جتل تردين                   يا روحي أشيرج

هذه أولج بالظـيم                   واشلون أخيرج

-63-

هرش الكلب شلعوه                 ويـه أفـتراعه

فطم الرضيع أشلون                بـاول رضـاعه

 

59-سوالي:عمل لي/مامش:لا يوجد/كيفي:بحريتي.60-نوب:مرة/الويج:أثني يدك/

أخذيني:عامليني/61-هين:سهل/شجيه:الشجى الحزن/62-جتل:قتل/أشيرج:أخيرك

أولج:أولك/أخيرج:نهايتك.63-هرش:زرع/شلعوه:أقتلعوه/أفتراعه:نموه/أشلون:كيف.


 

-64-

طرحي بصخر ذبوه                   مسحاتي جلت

بس دعوتي ويه أهواي                كل دعوه فلت

-65-

خي عونك أبدنياك                    بفراشك أتبات

وعندك عكـل لليل                    وتعده ساعات

-66-

أهلا"وسـهلا" بيك                 وأكثر بالـوياك

ألكلب كبـل العين                  رف اعله ملكاك

-67-

ليل الشته يـهواي                أثنعش وأثنين

كضيته بالحسرات                 وبدمعة العين

-68-

يا كلبي هيد ونـام                  لكـعد وجويك

هم وتعب وفـراك                  بعد أشيظل بيك

 

64-طرحي:حصتي/ذبوه:جعلوه/جلت:تعبت/فلت:أنقضت.65-خيعونك:هنيئاً لك/

أتبات:تنام/عكل:عقل.66-الوياك:ألذي معك/رف:تحرك/ملكاك:لقائك.67-الشته:الشتاء.68-هيد:أهدأ/أجويك:أحرقك بالنار/أشيظلأ:ماذا يبقى فيك.


 

- 69-

يا كلبي ون بهداي           لا تسمع أعداي

أصبر وسفه الروح           لمن يجي أهواي

-70-

يا كلب لوله الأه            صندوكك أنطر

من بين أديه أهواي             ماي وتطشر

-71-

هم أنتي مثل العين              مكدرلج أنهاج

شو كلج أتكبين               من يكبل أهواج

-72-

سنتين أتاني أهواي            غير المجبلات

بالكصه لاح الشيب         حته البزر فات

-73-

ولفي وأغار عليه              من حضن أمه

بكلبي وأكول أبعيد            جا وين أظمه

69-بهداي:بهدوء/أسفه:تتتاسى.70-صندوكك:صندوقك/أنطر:أنفتح/تطشر:أنسكب.              

71-مكدر:لا أستطيع/أنهاج:أمنعك/كلج:كلك/أتكبين:تنتفظين/يكبل:يقبل.72-أتاني:              

أنتظر/المجبلات:القادمات/الكصه:جبهة الوجه/البزر :اولادة/فات:أنقضى.


 

-74-

أتـخمـد يالـدلال            بطـل ونينك

كلها أصبحت عدوان            محد يـعـينك

-75-

أسمـع هلي ينادون               مـا بيه أرد ها

ملتهيه أشد أجروح               كلبي عله فركاه

-76-

هلهل يشامت حيل                خل يسمعونك

عكلي أولـفي راح               كرت أعيونك

-77-

ناخت وعيب أتكوم                وانه أنـخه بيها

متوطنه والحـسرات               تردف عليها

 

 

 

74-الدلال:القلب/بطل:أترك/ونينك:أنينك/محد:لاأحد/يعينك:يساعدك.75-هلي:أهلي

مابيه:لاأستطيع/ها:نعم/ملتهية:مشغولة/أشد:أعالج فركاه:فراقه.76-حيل:بقوة/

خل:دعهم/كرت:قرت عيناك/77-ناخت:وقفت/أتكوم:تنهض/أنخه:أثير حميتها  

متوطنه:متعلمة،معتادة/تردف:تتتابع،تتوالى.

 

-78-

بيدي دفـنت الزين             وأيـسـت  منه

وأنكطع حبل الشوك             ما مــنـه ظنه

-79-

شتحمــل يالدلال             ريـت الله  يبلاك

أمنازع ويــه الموت            وانته برجه أهواك

-80-

تبجي عله العافـوك              يا كـلبـي  مالك

لا يا سفيـه الـراي             خـاوو بـدالـك

-81-

أتنـازع ويـه الموت            وانـتـه عـله بالي

شلسبب تنسه أهواك             والـكـلـب خالي

-82-

ميـت هـله بملكاك             وعـتاب  ألي وياك

سنـتين أدور عليك              تـالـي  الله وداك

78-دفنت:واريته التراب/أيست:يئست/أنكطع:أنقطع/ظنه:أمل.79-شتحمل:ما تحتمل

ريت:ليت/يبلاك:يبتليك/أمنازع:في صراع/رجه:أمل.80-العافوك:الذين تركوك/

مالك:مابك/سفيه:قليل/خاوو:أتخذوا غيرك أخاً /بدالك:غيرك/81-عافه:تركه/

82-ميت:مائة/ملكاك:لقائك/أدور:أفتش/وداك:أرسلك


 

-83-

ألرمد للـحـزنان                   بي حـاله زينه

محد يشك أعلـيـه                  لو تهـل عينـه

-84-

آه من أكـولـن آه                 كل عامر أيـطيح

ظل دانكي بضحضاح                 يرجه الـملاليح

-85-

خرت أبرة الـخـندوز               من حلكج أكبر

وحارت بشـرب الماي                يا رب تـفـكر

-86-

جان السلام أشــبيه                 شو ما تسلـم

شصح زلـم ثـيران                  جم دوب أعلم

-87-

سلم عليـة وفـات                   جني غريـبـة

ومحابـب الـخدين                    سمت الخطيـبة

83-الحزنان: الحزين/زينه:جيدة/محد:لاأحد/تهل:تبكي.84-أكولن:أقول/عامر: البناء

الجديد/أيطيح:يتهاوى/الدانك:السفينة/ضحضاح:الماء القليل/يرجه:يرجو/الملاليح:البحارة.

85-خرت:ثقب/الخندوز:الأبرة الصغيرة/حلكج:فمك/تفكر:أنظر/86-أشبيه:مابه/

شصح:ماأكثر/جم:كم/دوب:مرة/87-فات:تجاوزني/محابب:تقبيل/سمت:عادة.


 

-88-

او همداهه الروح                 وعله هالـتالـي

مامشت ويه عبيد                 نحرت الـجالـي

-89-

يالجايني شـجاي                  أحجيلـي همك

لاتعتذر وتخـاف                  جن مانـي يمك

-90-

صد بعد ما تسوين                 غبره  انتي يادار

فوك العويل الـبيج               غاطيج  الـغبار

-91-

أزيد مـي الـحـبر              واسابج اليقرون

من عكب ذاك الوكت            يمضون ما يلفون

-92-

نتفاخر انـه وياج                  لا يلجـكـاره

نارج ينار جـلاي                  ياهو أمضه ناره

88-أوهمداهه:يالخيبتها/نحرت:واجهت/الجالي:الشاطيء.89-شجاي:شاكي/

يمك:بجوارك/90-صد:نظر/غبره:كالحة/غاطيج:غطاء لك.91-أسابج:أسابق/

عكب:بعد.92-وياج:معك/جلاي:كليتي/أمضه:أشد.


 

-93-

بعيد الـبلة تـموتين                 يم هادي  طيبه

ألطم خدودي  عليج                  مثل الـحبيبه

-94

والنايم بسـلمـان                   ماون  ونيـني

لانـي ربيـت وياه                  ولاهو  تـنيني

-95-

مدري هوه أجويريد                  لو هبة شبـاط

حطلك مـخده ونام                  يم فيُ الخطـاط

-96-

ما صدت أعله الغير                   روحي  الها عينه

أبعشرة الـبـذات                   والله أنـخزينـه

-97-

يا ما جنت جاووش                   وآمر عله أروام

تالي صرت  مسكين                    وأطلـب أرحام

93-البله:البلاء/طيبه:سليمة/عليج:عليك.94-سلمان:نقرة السلمان التي كانت من

المعتقلات المخيفة في العراق/ون:أن/تنيني:في سني.95-اجويريد:من أشهر الشتاء الباردة/حط:ضع/الخطاط:خط الحاجب/96-عينه:مثال/البذات:الخائن/أنخزينه:الخزي.

97-جاووش:رتبة العريف في الجيش العثماني/أروام:الروم/أرحام:أقارب.


 

-98-

أهنا( ي زيد)  اهناه                أبعدو عـنـي

وامس العصر ملاج                واليوم أشنـي

-99-

ما خله جاره أينام                  كلبي أبونينـه

أللي سعه  بفركاه                  يكمع  جنينـه

-100-

جنها جدع محروك                 سمره وطـويله

ليرة عجم بالجيب                  حلوه  الكصيره

-101-

جنها جدع  محروك                  بره الطويـله

ورور كسر بالجيب                 حلوه الكصيره

-102-

عونه السرح وياج                   داده أم كوايش

أوميلـي بزركاج                    لو شفتي رايش

98-زيد:الأمام زيد/ملاج:ملاك/أشني:أعمل أجيراً.99-خله:ترك/يكمع:يموت.

100-جدع:جذع النخل/محروك:محترق/101-بره:قبيحة/ورور:مسدس.102-

عونه:الله في عونه/السرح:رعى الماشية/داده:كلمة تحبب/أم كوايش:صاحبة الحزام/أوميلي:أشيري ألي/زركاج:عبائتك/رايش:مرور الناس


 

-103-

لاتنكـطـع  وابلاك                 روحـي بسبيبه

من أثنـعـش  عطار                 حنة الكـصيبه

-104

نعله اعله ابو الجابوج                  يحبيبـه يـمي

صاير خسف بالكاع                   من كثـر همي

-105-

وانه بجرد مركـوع                    ها كثـر  أغني

لوني بخواجي أثنـين                   جان أشـحملني

-106-

جنب  للمهـيـلات                   تصلح يسـودج

ومن مكه جاب الحاج                   مفرك  نـهودج

-107-

جانـون أسوي الماي                   وأشوي السمج بيه

وأفتل سـبوس حبال                    وأنـجر سـفن بيه

103-تنكطع:تنقطع/بسبيبه:منهارة/عطار:بائع المواد/حنة:الحناء.104-الجابوج:والديك/

صاير:حدث.105-جرد:أسمال/مركوع:مرقع/خواجي/عباءة.106-جنب:حبال القنب

المهيلات:السفن الكبيرة/سودج:شعرك ألأسود/جاب:جلب/مفرك:ماسك النهدين.

7-جانون:موقد النار/أسوي:أصنع/أفتل:ألف/سبوس:مخلفات الشلب/أنجر:نسحب.           


 

-108-

ينشدني   الـبطـران                      هالبـويـمه أمنين

جابوه ألـي  الـزوار                      صوغه من  الحسين

-109-

شلحم شداوي أجروح                     وأنه عله يا حـال

كلبـي مشـه الممشاه                     وخذ عكلي الخبال

-110-

أنته الـكلـت  بالبير                     نوكـع سـويـه

وللتعـب ما جـازيت                     ذاتــك  رديـه

- 111-

ألغرف  لـلزفـرات                     جا ما غـرفـلـي

والهرفي   غط  بالمـاي                     عود  أزرع  أفـلي

-112-

مدري أشـعليه الناس                      وأتكلي هـيـدي

مولسني ابن سـرحان                       موش أمـري بيدي

108-ينشدني:يسألني/البطران:البطر/البويمة:الملأءة/جابوه:جلبوها/صوغه:هدية.109-

شلحم:التضميد/ممشاه:مسيره.110-نوكع:نسقط/سويه:معاً/رديه:رديئة.111-الغرف:

الذي أعطى/الزفرات:النتنات/الهرفي:الزرع السابق لأوانه/الأفلي:الزرع الذي يزرع في وقته.112-هيدي:أهدءي/مولسني:أغراني/موش:ليس.


 

-113-

ذبي الحجل ذبـيه                  يا رجل الغراب

ومدده ويه أهواي                  جنج شلج غاب

-114-

دمعي عله الشباج                  ساح وتلـطلط

والبيه شطاره فاج                  والبلصحن غط

-115-

لا  والله  يالبهلول                  ما فـززتــها

الفرخ كام أيلوع                   وأنه أندهـتـها

-116-

طولج نبع صفصاف                ومجاور  الـماي

وخدج حليب النوك                ومكاسر بـجاي

-117-

أبعيني شفت الموس                  عمدا"  سحكته

وبالخـلك ما ينبان                  ولفي   العشكته

113-ذبي:أخلعي/الحجل:حلية تلبس في الرجلين/شلج:من أنواع السمك الرديئة/غاب:

تالف.114-تلطلط:تلاطمت أمواجه/فاج:سبح وعام/غط:غرق.115-فززتها:أيقظتها/

الفرخ:الطفل/أيلوع:يبكي/أنهتها:أيقظتها.116- النوك:الأبل/مكاير:ممزوج/جاي:شاي.

117-شفت:رأيت/سحكته:وطئته/الخلك:الخلق/ينبان:يظهر.


 

-118-

مية هله  بـهالطول                بالكلـب كلـنه

وننفض أكوامه وياك               جدام   أهـلـنـه

-119-

العتب كـله أعليك                موش أعله  العكال

ما كلت كبل أبساع                متغـيـر الـحال

-120-

لا وحك كـبـة زيد              والسكن  بـيـهـا

روحي من أمس واليوم              مالي أهـد بيـهـا

-121-

ياروحي طحـتي أبير                مهـياجـج  أمنين

عرضج أولفج  راح                 فاتنـج   أثـنـين

-122-

يالغسلت حـنـون                 غسلـه  بتـرتـاب

وبهيده ويـه اهواي                 لو هلـت الـتراب

118-مبة:مائة/هله:أهلاً/ننفض:نعلن/أكوامه:عداء/جدام:أمام.119-موش:ليس/

العكال:العقال/كبل أبساع:قبل هذا/متغير:مختلف.120-أهد:عهد.121-طحتي:سقطتي

مهياجج:محركك/أمنين:من أين/فاتنج:جاوزنك.122-غسله:غسل الميت/ترتاب:ترتيب

بهيده:بهدوء/ويه:مع/هلت:واريته بالتراب.


 

-123-

يالغسلت حـنون             غسله  أعله  نيمه

وجتالته  الحيـاج             والله  هـظـيمه

-124-

لو ما حداده أوياي            للشيلـه  مـكدر

توني دفنته  وجيت             يـجفيجـن الشر

-125-

النهد والنفنـوف             عدهـن  حـرابه

يزراري طب أبخير             فك الـطـلابـه

-126-

يلقاسم أرد أنـخاك          يلغـربـي  زونه

ثاري العشك بالراس          مثل   الصخـونه

-127-

طحت وكمت يهواي          شو مـا تـجيني

عود من أموت تكول          ويه عمت عـيني

123-نيمه:مرمر/جتالته:قاتليه/الحياج:الحاكة.124-حداده:صلافة/أوياي:عندي/مكدر:

لاأسنطيع/توني:الأن/جيت:عدت/يجفيجن:يجنبكن.125-النفنوف:البدلة/عدهن:لديهن/

حرابه:حرب/الزرار:حلية ذهبية تلبس على الصدر/الطلابه:المعركة.126-أرد:أريد/

زونه:تل متفع في الزرفية يبعد عن ناحية القاسم10كم/ثاري:ظهر/الصخونه:الح


 

-128-

يفدنج الـجثـلات                يرهيـفة  العود

بيرغ حرب  منشور                 واكف عالحدود

-129-

يا روحي طحتي ابير                 مهياجج امـنين

ولاظل الـج عوان                 بيمن  تكومـين

-130-

يم ثنعش  معـميل                  يوم سولة هيدي

من جيسج  تحطين                   مثل الـيهودي

-131-

من جومة الملكوط                   وانطاني شيـصه

واطلبت منه الزود                   حطلي  النكيصه

-132-

هالنسمه من هواي                    حيل ارد اشمها

هنيالك انته بـخير                    يالـجنت يمها

128-يفدنج:فداء لك/الجثلات:المترهلات/رهيفة:الرشيقة/العود:القامة/129-طاح:سقط

أمنين:من أين/عوان:مساعد/بيمن:ب من/تكومين:تنهظين.130-معميل:عشيق/سوله:طبيعة

هيدي:أهديء/جيسج:كيسك،مالك/تحطين:تظعين/اليهودي:اليهود وفيه أشارة الى عادة

اليهود بدفع اهل الفتاة للمهر لاأهل الرجل.131-الملكوط:المنقى/شيصه:التمر اليابس

النكيصه:النقص.132-حيل:بقوة/هنيالك:هنيئاً لك/يمها:معها.


 

-133-

جن واسمع  الهن ويد               روحي وكلبها

جاشلها حاجة الناس               نار وحـطبها

-134-

لابس حبيبي اليوم                 دشداشة شاهي

منه  الضوه  ياناس                 وأكماشه فاهي

-135-

وعله  المرار  يهون                 كلبي شكـواته

ظل بالسعف ناطور                والثمـر فاتـه

-136-

روحي وروح هواي                بكشر بـيضـه

ومشابك  انه   وياه               شتوه عله  كيضه

-137-

عين التـمل ابـجاك              رجه الرمـد رج

تتناهـه لـلنيسـان               لو  تنهب اروج

133-ويد:صوت/134-شاهي:دشداشة ذات شكل معروف/فاهي:فاتح.135-المرار:المرارة/يهون:هين/ناطور:حارس/ فاته:لم يناله.136-كشر:قشر/الكيظ:الصيف.

137-تمل:من الملل وهو السأم/رجه:غير لونها/تتناهه:تنتظرها/النيسان:شهر نيسان/تنهب:

تهرب معك/أروج:أفضل.


 

-138-

ردت الرفك  وياك                يحواسـي دايم

وظل بيرغي منشور                يرجه  الحشايم

-139-

مناه لعد  بـغداد                فرشوا  بواري

خافن تنوش الكاع                طير الـبراري

-140-

للعكرب  اتعنيت                   بيدي الـزمتها

حيل وبعـد وياي                  هاي الردتـها

-141-

بسيان احط الروح                 واسحك عليها

باللحد ويه  الروح                  كل مايـجيها

-142-

شيل وعكط بالنار                  عمي وعـمك

حمل سفـن بغداد                   همي  وهـمك

138-الرفك:الفقة/حواسي:حبيبي/يرجه:يرجو/الحشايم:المعونة.139-مناه:من هنا/

بواري:حصران تصنع من القصب/خافن:خوفاً/تنوش:تصل.140-أتعنيت:قصدت/

لزمتها:قبضت عليها/حيل:اكثر من هذا/الردتها:التي طلبتها.141-سيان:الطين النتن/

اللحد:القبر/يج يها:يأتيها/142-عكط:رمي/حمل:ملأ تلك السفن الكثيرة.


 

-143-

مولح اصبي  العـين              مـن التفـجـر

كلما امر بـالـدار              داره تـذجــر

-144-

نتكابل انــه وياك              بابرة نحـفر بـير

وكلشي طلع بي ماي              هذا الحجي يصير

-145-

يبنيه لاتـبجـيـن                عـد عينج انه

بالجله اطـشر  الماو                واغـله الجفانه

-146-

لانـغل لابن حيض               دك دكتك هاي

بـالبحر لـوذبوك                يتنكـس  الماي

 

143-مولح:تغير لونه/أصبي العين:بياضها/التفجر: التفكير/تذجر:أتذكر الماضي.

144-نتكابل:نتقابل،نتواجه/وياك:معك/الأبرة:أبرة الخياطة/بير: بئر/طلع:خرج/

الحجي:الكلام/يصير يكون.

145-تبجين:تذرفين الدمع/عد عينج:جاهز لتنفيذ طلبك/الجله:المعركة/أطشر:أنثر/

الماو:العيارات النارية/الجفانه:الأكفان.

146-النغل:أبن الزنا/الحيض:العادة الشهرية/دك:عمل/ذبوك:رموك/يتنكس:غير طاهر.

 


 

-147-

مية هله بـهالطـول               ادري زعـلانـه

وانشد واكـول منين               هـالكـمرجانـه

-148-

والنهد ودعـه ودون               والسدر صـيـني

كـل الهمـوم تروح               بـس رادديـنـي

-149-

خـذت السرد للماي               جـدري نسيـته

وفركعت بالـمصفـاه              كلـبي شدهيـته

-150-

نعله عله روح المـات             حزنـي عله هواي

خلي اصبغ الوجنـات             سوده علـه بلواي

147-مية:مائة/بها الطول/يا ذات القد الممشوق/أدري:أعلم/الزعل:الغيظ/منين:

من أين/هالكمر:هذا القمر/جانه:قدم علينا.

148-ودعه:الودع قطع صغيرة من الحجارة الملونة/دون:أقل/السدر:الصدر/صيني:

الزجاج الصيني الجميل/رادديني:بادليني الحديث/149-السرد:المنخل/جدري:القدر/

فركعت:غلي الزيت ووضعه على الرز/المصفاه:أناء مثقب لتصفية الرز/شدهيته:أدهشته.

150-نعله:لعنه/خلي:دعني/الوجنات:الخدود/بلواي:مصيبتي.

 


 

-151-

تاخذ كحـل منـين          عينـج وسيعـه

أباكـة فجل ممرود            رجـلج ابـيعه

-152-

بس اخذك يهواي               بجحيف اجـدي

وفراشي عاكولات             وبيـتي بـردي

- 153-

مد ايدك اعله جلاي            جـن ماني طيبه

وردتك تشد الراس              مثـل الحبـيبه

-154-

يازرع بن نبهـان                فضـه وجلبدون

وجل اليكع بالكاع               مـرود للعيـون

 

 

151-تاخذ:تسع/منين:المن25كغم فتصور/وسيعه:واسعة/باكه:حزمة/ممرود:رديء/

رجلج:زوجك/152-أخذك:أتزوجك/الجحف:القحف،بقايا الفخار المحطم/أجدي:أتسول/

عاكول:نبات شائك يؤذي الجسم/بردي:من القصب.153-جن ماني طيبه:مريضة/

المقطع الثاني معناه:ظننت أنك ستعالجني كما يعالج الحبيب حبيبة/154-جلبدون:خيوط

ذهبية اللون تستعمل لتطريزالعباآت/جل:بقايا الزرع التالف/يكع:يسقط/مرود:الميل

الذي يستعمل لوضع الكحل في العين.

 

-155-

طولك حلو يهواي           مـن ياخـزاعـل

ظيك ظوه الفانوس            ربعـك مشاعـل

-156-

يالمرتجي عله الطوف           ظـلعـك تكسر

وانه اجذب الونات           وانتـه   اتـحسر

-157-

عمده ارد اخيط العين         ببر يسم  اسـود

انته وتخون الـديـن         جـا بيمن اظـمد

-158-

يامكشرك يهـواي            تـمن جليـحه

تعب التعبته ويـاك             للـمستريـحه

155-الخزاعل:قبيلة خزاعة عرف رجالها ونسأها بالجمال الرائع/ظيك:ظوئك/

ربعك:من يسير معك.156-المرتجي:المتكيء/الطوف:الحائط/أجذب:أسحب/أتحسر:

تشعر بالحسرة.157-عمده:بعمد وقصد/البريسم/من الخيوط المعروفة بقوتها/الدين:

العهد/بيمن:بمن/أضمد:أعتمد عليه.158-مكشرك:التقشير هوفرز اللب عن القشر

وهذا ظهر أنه من الرز التالف/المستريحه:ألتي لم تعمل شيء من أجلك ولكنها استطاعت

الأستحواذ عليك.


 

-159-

يامـكشرك يهـواي            تـمن فـواويـد

مـامـهلوني ويـاك            ذولـه الكواويـد

-160-

لبس العزيـز يلوك               بـس عـالملالـي

يتردس اعله جلاي                بـزبونـه شالـي

-161-

كون العزيز يصير                  بظـلوعـي سباح

واتشابك انه وياه                  وافـادي يرتـاح

-162-

حبني ودمرني هواي                 حـدر ام شوايخ

سنتين اجدف الماي                  لـن راسي دايخ

15-المكشر:جرش الشلب وفرز الرز عن القشور/فواويد:الرز الجيد ذوالفائدة/

مهلوني:لم يدعوني أعيش معك بهناء/ذوله:هؤلاء/الكواويد:مفردها قواد/160-لبس:

أرتداء/العزيز:الجلباب النسائي الفضفاض/يلوك:يصح/الملالي:جمع مله وهي التي تنشد

أردودات الحزن في المأتم/يتردس:يسحق/جلاي:كليتي والمراد روحي/الزبون:ليباس واسع له فتحة من الأمام يرتديه الرجال يسمى صاية/شالي:قماش الشال.161-سباح:

جذر/أتشابك:أتعانق/ألأفاد:الفوأد/162-حبني:قبلني/دمرني:آذاني/حدر:تحت/أم شوايخ:ذات الأغصان/أجدف:أتقييء/الدوخه:الصداع. 


 

-163-

رحت الطبيب الشام           مـاكـال اداويك

وانته طريح اهـواك           مـامش مرض بيك

-164-

دشداشه صبغ النيل             والكمـر زخـمه

كل ما احاجي هواي            شوفـنه زحـمـه

-165-

دشداشه صبغ الغيم             واتـباهـا  بيهـا

وبالميجـنه طسات              مـن جور اديـها

-166-

كلبي ويخاف عليج                مـن ماي الجياح

وزلفج خرج عطار                بـي كل الارياح

 

163-رحت:ذهبت/طريح:مريض/مامش:لايوجد/بيك:بك/164-النيل:الأزرق المائل

للسواد/الكمر:الحزام/الزخمة:فتحة الرأس الضيقة/شوفنه:أراها/زحمه:أحراج.165-

أتباها:أفخر بها/الميجنه:خشبة غليظة لها رأس مستطيل تستعمل لتهبيش الرز/طسات:أثار

الأيدي القائمة بالعمل/جور:ضغط.166-عليج:عليك/الجياح:المياه النزرة المتخلفة

عن المطر/الزلف:الشعر المجاور للاذنين وتبرزه المرأة للزينة/الخرج:فصيحة تناساها الفصحاء

وهي من النسيج الصوفي لها كفتين تستعمل كالحقيبة لحمل الحاجيات/العطار:بائع المواد

 


 

-167-

منهـو الشريج ويـاي          بيتي ارد احـرجـه

لايعرض الدلال شـوط          ارد امـرجـــه

-168-

اردنـلي يـوم ويـاك          واسحـك عـدوي

تعتجـب بيـه النـاس         عملـه ارد اسـوي

-169-

متـمهـل بـدنيـاك          عـونـك يـدالـي

حـدر الحنـج يـزرار         حـبه بــدالــي

-170-

دشداشه نـارم جوخ            دشـداشـه هنـدي

خنجـر وسرد الروح            لاولــف عنـدي

 

 

167-الشريج: الشريك/أحرجه:أشعل فيه النار/يعـرض:يعترض/أمرجه:أعذبه.168-

أردنلي:أريد لنفسي/تعتجب:تتعجب/ عمله:عمل كبـير.169-متمهل:تعيش برفاهية/

عونك:هنيئاً لك/يدالي:أيها المدلل/حدر:تحـت/الحنـج:أسفل الذقن/الزرار:حلية ذهبية

توضع على الصدر/حبه:قبله/بدالي:بدلاًمني.170-نارم:قماش/الجوخ:من الأقمشة الغالية

هندي:مصنوعة في الهند/أسرد:أمزق،أقطع/

 

 

-171-

اشـمالج اصيحـين          ياروحـي اركـود

نكـدت عليج الناس        ويـجفنـج العـود

-172-

للعصـروتصخنـين        يـاروحي مـالـج

ومكبعه ويـه الناس        ظـلي  بكـمالـج

-173-

يابويـمه اتـلوكين         فـوك من  الحجاج

مـذهب وادور عليه       مكـه ودرب حاج

-##-

بفادي حبك صار            سـباحـه غـزر

عادمني الهـجران            عا الفركـه مكدر

 

171-اشمالج :ما بك/أصيحين:تصرخين/أركود:أهديء/نكدت:عابتك/يجفنج:يكفنك/العود:

 كبير السن.172-تصخنين:تصابين بالحمى/مالج:ما بك/مكبعه:مرتدية العباءة/كمالج:

أدبك وأخلاقك/173-البويمه:غطاء للرأس ترتدية النساء/أتلوكين:تلائمين/الحجاج:

الحاجبين/مذهب:مسرع/أدور:أفتش.##سباحه:جذورة/غزر:دخل للآعماق/عادمني:

غير أحوالي/الفركه:الفراق/مكدر:لاأستطيع.

 

 

-174-

وبـملط ذاك الـروج         روحي ارد اذبها

وكلمـن يكـول الله         شنهـو ذنـبها

-175-

يم خوصه يم خشخاش          يـم خصر هيلي

ظليت افكـر بيـج           مـا نمت ليلـي

-176-

لاتتهمـون الـناس            روحي الها فجار

حيل وصكعني من ايد           جتالـي الـجار

-177-

ريت الكلب بيه باب            جـاكتلك اهناه

اكعـد يبعد الـروح           واتـهنه ويـاه

 

 

174-ملط:مكان أرتطام المياه/الروج/قوة التيار/أذبها:أرميها/كلمن:كل أحد/

175-الخوصه:حلية ذهبية توضع في اليد/خشخاش:صوت أحتكاك الذهب عند الحركة/هيلي:تمايلي/176-فجار:مسبب/حيل:بقوة،بشدة/صكعني:ضربني على أم راسي /جتاي:قاتلي.177-ريت:ليت/أهناه:هنا/أكعد:أجلس.

 

 


 

-178

صدلـيه يـمه احـاه           واشوسع عـينـه

وخله الكلب ملهـود            منهـو الـيعيـنه

-179-

تونـي عرفت المـوت            احلـه من الفراك

وج وانطفـه الـدلال            مـن الظعن  ساك