إلى والدي زاير حمد (أبو فاضل ( عبد الرضا حمد جاسم/فرنسا أنت بسيط وصادق وحر وشهم وعندك أوصاف قله بيها أتمثلت أنت من الحياة ومن مدرسه تعلمت وللأسف محد كتب عنك لابذك الوكت ولا بهل وكت حمــــــد أحســـــن درس قدمت ما يوم للذلة أقبلت وبوجه كل عايل بكل قوه وكَفت ومترددة ولأشعره من شعرات راسك اهتزت ولا عله ظلم نمت ولا للتعب والجور مره استسلمت وعيونك إذا بالحق حومرت ما يرجع الطبعة لونها إلا إذا لحقك بيدك حذت إن نيشنـــــــــت صوبت وأن كَلت ....ونعم ماكَلت وفعلت وأن عانداك إنسان بالحق....قريت أله وعترفت لامره بالباطل الأحد غلبت ولامره أنت نغلبت لابدلت وتبدلت إن راد أحد غفل ياخذك تصديت اله وجه بوجه ومنه تمكنت وإن شفت عوجه بالدرب أتصرفت وألها عدلت ودومك جنت تطلب الحق وما مره أنت نطلبت وأتذكرك يا بويه يوم الواجهت (غازي سيف)*وكَتله أنت استهترت ألزم أحددوك وحترم حرمت الناس وإذا ما احترمت تره حرمة اهلك ما تحترم فد وكت وكَلـــــــت:الوكت دولاب يفتر...يوم تغلب ويمكن عشره تنغلب وعيوني أنت تدري لو حومرت ما تصفه أله للأعوج عدلت حمــــــــــد هوايه لعكَالك قدرت وأحترمت وهوايه مرات بالحق أله بقوه أستعملت بويه هوايه أنه أتذكرك واليوم هل ذكرى عله كلشي طغت وتغلبت شلون أتهندمت بالموجود..وتتبختر أنت طلعت تمشي عله طولك الفارع مهيوب وما مره لراسك دنكَت وبس لله أنت أركعت وسجدت ولمن متت أثرت بويـــــــــه...ما مات من خلّف وأنت خلفت ونعم ما خلفت *غازي سيف السعدون كان نائب رئيس الحرس القومي المجرم في 1963في ألناصريه وهو جيران لنا ويعرف زاير حمد حق المعرفة وهذا التحذير كان في الأيام الأولى لانقلاب شباط الأسود ونحن والكثير يحترمون عائلة السعدون وجيرتهم ولكن انحراف وأجرام غازي لم يؤثر على علاقات ألجيره