|
الشاعر والقصيدة
محمد خليفة شقيق الشاعر النصير عزيز خليفة ابو افكار
اسنين تبجي هالقصيده
ولابسة ثوب الحزن
ابد ماشفت فرح طول السنين
وظلت تناغي الزمن بلكت يحن
عيني تبجي اعله العراق
وعين عاميها الحزن
وعين تبجي اعله المكابر
وعين تنظر عالمدن
كلشي ارهاب بوطنه
نموت سكته نعيش سكته
وذاك من ذاك التشوفه يندفن
الموت عدنا بلا فواتح
الموت عدنا بلا حزن
وخاف تحلم حلم وردي
وتلكه حلمك بالامن
وسين اول انت خاين
وبكل ماترد بجوابك تنطحن
كلشي غالي بهل وطن مابيه رخيص
وياغلاة الموت عدنا اصبح بسعر التبن
اعتب انه اعله الاقلام الكتبت بدمنا شعر
وزورت كل الحقيقة ومجدت ذاك العفن
والله لو تدري بمصيبتنا البشر
مايظل عدها عقل كلها تجن
|
