(( رجعنه وين يحمود )) جواد القابجي   رجعنه وين يحمود رجعنه ليوره الحكمك يعبّود الحراميه چثيره اوصرنه فرهود **************** بلا مستحه وماتخجل هلوغاد إيديهم ابدمنه او لابسه احداد نسوْ هم الوكت فد يوم ينعاد والصيّاد هم نلگاه مصــــــــيود ************ صار ايمانهم والدين .. دولار وبهاي الطريقه انهجمت الدار او مدّوا إيدهم بعدين للجار او بذلوا بالعماله أعلى مجــــــــهود ***************** على أجدادهم ردَّوا على الساس عراقي المثل گال العرق دسّاس عمامه ازغيره وكلاوات ومداس وحب الوطن تشكم ما إله اوجود ************ ميهم الفقير .. إلهم عقارات حدايق .. حور .. ولدان او بحيرات إلهم كلشي .. وبن البلد آهات وتخدير الشعب بَوهام .. وَوْعود ****************** نسوْ قائد الفلته اوصحبته الفار ظل يهمل ادموع .. او غسّله العار غبيّ الماعرف هالزمن .. دوّار يوگع لون چاين .. صخر جلمود ************************* jwadalkabchi@yahoo.de