ينابيع العراق

مواقع

ملف الانصار

الرئيسية

أهلا بكم في موقع ينابيع العراق... موقع الانصار الشيوعيين العراقيين .... موقع علماني ... ديمقراطي ... يساري ... تقدمي... والمقالات فيه تعبر عن آراء أصحابها... والموقع لا يتحمل أيّة مسؤوليّة عن ماينشر بأسم الكُتّاب ... ويتحمل الكُتّاب كامل المسؤولية عن كتاباتهم


			29-01-2012



زرت بـغـداد حسن حاتم المذكور زرت بـغـداد بس ما شفت ذاك الجان مشه وظلت سمل ديره بجت موالهه الغربان لا تزرع يكلبي اوهام تحصدني وترد ندمان .............. زرت بغداد بس ما شفت فرحتهه على خدهه الصبح ما مر ولا مر طيـف شمـعتهه سدت كل سواكي الشوك العشك ما يسوه دمعتهه .................... ز رت بغداد بس ما شفت بيهه احباب ادور بالسلف خـّوه .... ....... ولذيذ اعتاب لا عشرة جذب فزت ولا رد التحيه الباب ................. زرت بغداد بس ما شفت ديرتنه نبحت بالطريج جلاب وجلبنه من الكلب عضنه يروحي شبيج ندمانه درب الجابنه يردنه .................. زرت بغداد بس ما شفت بيهه العيد شـفت وجوه ...... لا ردت سلام الشوك ولا كالت طريجه بعيد عيديه وفرح وشموع من وحشة غربتي تريد .................... زرت بغداد شفت بغداد مو هيه لا ليل السوالف ذاك لا بالكلب حنيـه بكايه من الوفه انشدهم لكيت الروح منسيـه ...................... زرت بغداد بـس ما شـفت عـنواني الزمان تحاصص حروفـه ونشـد غـرب خـلانـي لا صــدفـه التــدلـينـي ولا درب الصدك جاني ........................ زرت بغداد بس ما شفت لمتهم وجوه مطشره من الغيض مثل وجـه اليعض جنهـم الجـرف ما ينفع الغركان يا كلبي ابتعد عنهم .........................